Gẹnẹsis 3:18 - Edo Bible (E Baibol Ẹdo) Version 1996

¹⁸ Ogigban ke irunmwu ọre ọ gha zọ ladian nuẹn, u ghi vbe gha rri erhan noha.

Gẹnẹsis 3:18 ပူးပေါင်းရင်းမြစ်များ

Gẹnẹsis 3:17

Rẹn keghi tama okpia nii wẹẹ, “Wẹ ke danmwehọ ọvbokhan-an, u na rri ọmọ erhan ne I wẹ ne u ghẹ re. Rhunmwuda emwi ne u ru na, otọ gha khian ne a fi ẹre unu. Ẹsọn u gha ya ẹdagbọn ruẹn hia miẹn, ne ọ miẹn ehe na mọ ọmọ ne ọ gha suẹ re.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 31:40

ẹghẹ nii, ne ọka ẹsin kevbe ọka irhuarhua gha na te zọ vbọ, ogigban kevbe ọkọsọ ọ re ọ gha zọ ladian.” Ẹmwẹ ne Job talọe fo nẹ.

Job 5:5

Emwa ohanmwẹ ọ re ọ khian rri emwiokọ akpa, ya sẹ egbe avbe ọka ne ọ zọ vbe uwu igban, emwa ne ovbamẹ gbe ghi yaro ye ẹfe ẹre.

Psalm 104:2

Wẹ ye uwanmwẹ gue egbe ruẹ hia, u tan ẹrinmwi zẹ vbe ibọkpọ.

Psalm 90:3

Wẹ tama ọmwa, ne ọ werriegbe ghe emwi ne ọ ka khin u dọlegbe ya ẹe khian ekẹn.

Itan 22:5

Adeghẹ u ho ẹmwẹ ẹdagbọn ruẹn, biegbe ne ifi ne ọ mu ọmwa dan vbe odẹ.

Itan 24:31

Akọsọ ọ re ọ gba ẹre, irunmwu kevbe mu ẹẹn. Ekẹn okuta ne a gbe lẹga ẹre de guọghọ ua nẹ.

Aizaia 32:13

igban kevbe ọkọsọ ọ re ọ ghi zọ vbe otọ emwa mwẹ. Wa gha viẹ ne avbe owa ne ọyẹnmwẹ na te sẹ emwa, kevbe avbe okpẹvbo ne ọ te hu yo hu rre.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Aizaia 7:24

Emwa ghi viọ uhanbọ ya gha ru ohuẹ vbọ. Ẹn, ẹvbo nii hia ghi vuọn ne ọkhuẹnkhuẹn kevbe ogigban.

Jerimaia 12:13

Avbe emwa mwẹ kọ ọka, sokpan iran keghi ya rhọ irunmwu; iran kakabọ winna, sokpan, iran ma miẹn emwirhọkpa vbọ. Rhunmwuda ohu mwẹ ne ọ wegbe, emwiokọ iran ma maa.”

Jerimaia 4:3

E Nọyaẹnmwa tama ivbi Juda kevbe Jerusalẹm wẹẹ, “Wa gua otọ ne uwa ma he te gua, wa ghẹ kọ emwi ye uwu igban.

Matiu 13:7

Eso kevbe kharha ye uwu igban. Ugbẹn vbe ọ ghi zọọ, igban keghi khuakhua gbua.

Ebe ne Pọl gbẹẹn gie emwa Rom 14:2

Iyayi emwa eso sẹtin gha re ne ọ giẹe ya rri emwikemwi, sokpan ọmwa ne iyayi ẹre ma wegbe, ghi gha rri asakan.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.

Jọsua 23:13

Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.