Gẹnẹsis 3:17 - Edo Bible (E Baibol Ẹdo) Version 1996

¹⁷ Rẹn keghi tama okpia nii wẹẹ, “Wẹ ke danmwehọ ọvbokhan-an, u na rri ọmọ erhan ne I wẹ ne u ghẹ re. Rhunmwuda emwi ne u ru na, otọ gha khian ne a fi ẹre unu. Ẹsọn u gha ya ẹdagbọn ruẹn hia miẹn, ne ọ miẹn ehe na mọ ọmọ ne ọ gha suẹ re.

Gẹnẹsis 3:17 ပူးပေါင်းရင်းမြစ်များ

Gẹnẹsis 3:11

Osanobua ke nọ rẹn wẹẹ, “Gha ọ tama ruẹn yi ighẹ irhunmwirhun ọre u ye, te u wẹ ghi rri ọmọ erhan ne I tama ruẹn wẹ ne u ghẹ re ra?”

Gẹnẹsis 3:18

Ogigban ke irunmwu ọre ọ gha zọ ladian nuẹn, u ghi vbe gha rri erhan noha.

Gẹnẹsis 3:6

Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

Gẹnẹsis 5:29

ọ na kha wẹẹ, “Ọmọ na gha do fan mwa vbe obọ ẹsọn vbe otọe nii ne Nọyaẹnmwa ye amunu na.” Ọ keghi he ẹre Noa,

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Job 14:1

“A biẹlẹ ima hia ne ẹ i mwẹ ẹtin kevbe ne ẹ i sẹtin ye egbe ẹre obọ. Agbọn orhikhan ne a i na tọ ọ re ima hia ye.

Job 21:17

“A he do ukpa ọmwa dan yọ ẹdẹ ra? Osanobua he ya ohu rri ọmwa dan oya ẹdẹ ra?

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Asan-Ibo 2:11

I keghi roro emwi ne I he ya obọ ru hia kevbe vbene I wa mu aro yọ hẹ vbe I winna ẹẹn, I keghi miẹn wẹ ọ ma zẹdẹ sẹ emwirhọkpa, te ọ ye vbe ne a khu ẹhoho khian, ẹ i zẹdẹ mwẹ esa hiehiere.

Asan-Ibo 2:17

I keghi miẹn wẹ agbọn na ma zẹdẹ mwẹ esa ne ọ ye mẹ rhunmwuda, orueghe ọ re emwi hia ni rrọọ hẹ gun mwẹ, te ehia wa khuola; te I wa gha khu ẹhoho khian.

Asan-Ibo 5:17

Emwi ne a ghi miẹn vbọ ọrọre ne a gha lo ẹdẹ agbọn mwa vbe uwu ebiebi kevbe irhiaẹko, ekhọe ma sotọ, ohu kevbe emianmwẹ.

Matiu 22:12

Ọba keghi nọ rẹn wẹẹ, ‘Ọse mwẹ, vbe uwẹ ya sẹ emwa na hẹ vbe ne u i na mwẹ ẹwu irhiọha yi?’ Sokpan okpia na ma miẹn ẹmwẹ guan.

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Hibru 6:8

Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.