Gẹnẹsis 3:16 - Edo Bible (E Baibol Ẹdo) Version 1996

¹⁶ Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Gẹnẹsis 3:16 ပူးပေါင်းရင်းမြစ်များ

Gẹnẹsis 4:7

Akpawẹ te u ru ẹse, te u ghẹ gha mumu ogiẹ nian. Sokpan, vbe ne u ghi na ru emwi dan nẹ nian, orukhọ ye vbe aranmwẹ ne ọ si rhuẹ khẹ ruẹ ne ọ gua a rhie vbe onurho. Ọ ho ne ọ gha kha yan ruẹn sokpan ọ kere ne obọ ruẹ ke odukhunmwu nẹẹn.”

I Krọnikol 4:9

Okpia ọkpa kegha rrọọ ne a tie ẹre Jabẹz, rẹn ọ re ọ vbe gha re ọmwa ne a ye ọghọ na sẹ vbe ẹgbẹe nii rhunmwuda ighẹ ubiẹmwẹ ọnrẹn wa lọghọ iye ẹe, ọ re ọ na he ẹre Jabẹz.

Ẹsta 1:20

A gha na iyẹn ẹmwẹ ne u tae na ma emwa hia vbe otọe arriọba nọkhua na, dọmwadẹ okhuo ghi gha rhie ọghọ ne ọ kere ne ọdọ ẹre, ọre ọdafẹn nọ ra ovbiogue.”

Psalm 48:6

Evba ọ re oguozizi kevbe irriakọn na dobọ mu iran ẹkun. Zẹvbe okhuo ne emwi ubiẹmwẹ ru.

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 22:23

Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 49:24

Te ivbi e Damaskọs ghi mitan, iran ye afianma lẹ kua. Iran rre uwu obalọ kevbe omanọ, zẹvbe okhuo ne emwi ubiẹmwẹ ru.

Jerimaia 6:24

Ivbi e Jerusalẹm keghi kha wẹẹ, “Ma họn ẹmwẹ na nẹ, obọ mwa keghi luẹluẹ ye ima egbe, akhiẹ kevbe obalọ hihiẹ yan mwa, zẹvbe okhuo ne emwi ubi-ẹmwẹ ru.

Nọmbas 30:13

Ọdọ ẹre mwẹ asẹ ne ọ ya so igie yọ ra ne ọ khuan ruan ighẹ emwi ne ọ ve ra eyan ne ọ yan rẹn.

Iyẹn ne ọ Maan Ọghe Jọn 16:21

Emwi ubiẹmwẹ gha ru okhuo, egbe i rọkhọ ẹe, rhunmwuda ẹghẹ ne ọ gha ya rri oya sẹ nẹ, sokpan, ọ ghẹ ghi biẹ ọmọ nii nẹ, ẹ i ghi ye obalọ rre rhunmwuda, ọ biẹe rhie mwẹ.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

I Kọrinti 14:34

Ọ kere ne ikhuo hunwan vbe uwu ugamwẹ vbe esọsi. A ma kue ne iran gha guan, zẹ vbe ne Uhi avbe Ju kha re, ọ ma kei ne a muẹn ye iran obọ.

I Kọrinti 7:4

Amwẹ ma ghi yan egbe ẹre ọvbehe, sokpan ọdọ ọre ọ yan rẹn, erriọ vbe nọ zẹẹ, ọdọ ma ghi yan egbe ẹre ọvbehe, sokpan amwẹ ọre ọ yan rẹn.

Kọlose 3:18

Wa ne ikhuo, wa gha họn ẹmwẹ ne ọdafẹn uwa, rhunmwuda, emwi ne ọ khẹ ke ne uwa gha ru zẹ vbe ọmwa ne ọ ya Kristi yi, ọre ọnii khin.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

I Timoti 2:13

Rhunmwuda, Adam ọre a ka gha yi, vbe iyeke ọnii, Ivi.

I Timoti 2:15

Sokpan, a gha miẹn okhuo fan vbe ekpa ne ọ gha na gha mwẹ emọ, a deghẹ ọ ziengbe vbe iyayi kevbe aho ẹmwẹ ọmwa, kevbe uhuanmwẹ deba a ru emwi ye oreghe.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.