Gẹnẹsis 3:15 - Edo Bible (E Baibol Ẹdo) Version 1996

¹⁵ I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Gẹnẹsis 3:15 ပူးပေါင်းရင်းမြစ်များ

Gẹnẹsis 49:17

E te Dan ra gha ye vbe ẹyẹn ne ọ rre ọkpẹn odẹ, ẹyẹn ne ọ mwẹ obi vbe ọkpẹn ovbi odẹ, ne ọ sa ẹsin vbe ighinghian owẹ, nọhin ẹnrẹn ghi khian ne a fi la odieke fua.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 1:25

Sokpan iran ma miẹn egbe ọ te biẹ ọmọ okpia ni. Josẹf keghi he ẹre Jesu.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 13:38

Ugbo ne ọ kọ ẹe yi ọrọre agbọn na, emwiokọ ni maa ọrọre emwa ni re ọghe nene Arriọba, ohunhun ọrọre iran ni re ọghe Esu.

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iyẹn ne ọ Maan Ọghe Luk 1:76

Wẹ ne ovbi mwẹ, akhasẹ Osanobua Ne Ọ Yo Sẹ, ọre a gha tie ruẹ. Wẹ gha ke aro ne Nọyaẹnmwa. Ne u ya zẹ odẹ ye otọ khẹ ọre.

Iyẹn ne ọ Maan Ọghe Luk 10:19

Wa danmwehọ, I rhie ẹtin ne uwa nẹ ne uwa ya gha rrilo ekpakpahuangan kevbe ẹyẹn muotọ, kevbe ẹtin vbe uhunmwu ẹtin hia ne Oghian ni mwẹ. Emwi ọkpa ne ọ gha kuan uwa, ẹ i rrọọ.

Iyẹn ne ọ Maan Ọghe Luk 22:53

Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

Ebe ne Pọl gbẹẹn gie emwa Rom 3:13

Unu iran ye vbe idin ne ọ we unu uan. Ohoghe ne ọ vẹ ẹki ọre ọ werriẹ ke aranmwẹ iran rre, ẹmwẹ ne ọ yevbe obi ẹyẹn ghi gha ke akhuarhamwunu iran rre,

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Ẹfisọs 4:8

Zẹ vbene ebe khare, “Ẹghẹ ne ọ na hin ukhunmwu gha rrie ehe ne ọ yo sẹẹ, ọ keghi viọ oghunmwu ni bun ba egbe gha khian, ọ na ya emwi ru emwa ẹse.”

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.

Hibru 2:18

Banbanna nian, te irẹn ghi sẹtin ya emwa ni miẹn edanmwẹ obọ, rhunmwuda rẹn tobọ ẹre, a danmwẹ ọẹn ghe, ọ vbe rri oya. iẹnfan obọ.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

I Jọn 5:5

De ọmwa ne ọ gha sẹtin khọn agbọn miotọ yi? Rẹn ni nọ ighẹ ọmwa ne ọ yayi wẹ Ovbi Osanobua ọre Jesu Kristi khin.

Arhie Maan 12:17

Ẹghẹ nii ọre ohu okhuo ni na kakabọ mu Ugbogiorinmwi nii, ọ keghi ladian ya gha gu avbe uniẹn ọnrẹn ni dekẹe gbinna, avbe emwa hia ni ya uhi Osanobua ru emwi, iran keghi vbe rhie egbe mu avbe ẹmwata ne Kristi ta ladian.

Arhie Maan 13:7

A keghi vbe rhie ẹghẹ nẹẹn ne ọ ya gha gu emwa Osanobua gbinna kevbe ne obọ ẹre vbe gha ke ukhunmwu ne iran, a keghi rhie asẹ nẹẹn yan uhunmwu ẹwae hia kevbe emwa ẹvbo ne azẹ kevbe uhunmwu ẹvbo.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 20:10

Esu ne ọ rẹrẹ iran, a keghi mu ẹn, fi uwu odighi erhẹn kevbe ugbofi, ehe ne a ka filo aranmwẹ oha nii, kevbe akhasẹ ohoghe kui. A gha vbe gha rri iran oya asọn kevbe avan ẹdẹ kevbe ẹdẹdẹmwẹdẹ.