Gẹnẹsis 3:14 - Edo Bible (E Baibol Ẹdo) Version 1996

¹⁴ Ẹre Nọyaẹnmwa Osanobua na tama ẹyẹn wẹẹ, “A gha rri uwẹ oya ye ọna; wẹ ọkpa ọre ọra ya uhunmwu hẹ irrioya ne ọ rrọọ vbe uwe aranmwẹ hia: ke eban kpao, ẹko u ghi ya gha hiọrọ, ekẹn ọre u ghi vbe gha re vbe ẹdẹ agbọn ruẹn hia.

Gẹnẹsis 3:14 ပူးပေါင်းရင်းမြစ်များ

Gẹnẹsis 3:1

Ẹyẹn kegha re ne ọ ghi ru ero sẹ vbe uwe aranmwẹ ne Nọyaẹnmwa Osanobua yi hia. Ẹyẹn keghi nọ okhuo nii wẹẹ, “Te Osanobua gele wẹ ne uwa ghẹ rri ọmọ erhan ni rre uwe ogba na rhọkpa ra?”

Gẹnẹsis 4:11

A ye amẹ unu nuẹn nẹ, u i ghi ra ye gha kọ emwi ye otọ. Ọ rhie esagiẹn ọtuẹn wọn nẹ, zẹ vbe ne a miẹn wẹ te ọ rhan unu ẹnrẹn ya miẹn ruẹn re vbe obọ ruẹ vbe u gbẹe rua.

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Psalm 72:9

Iran ni rre ato, gha vbẹrre nẹẹn avbe eghian rẹn gha mu ẹko rhu otọ ne ẹẹn.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 65:25

Avbe akpakomiza kevbe ivbi ohuan gha gba gha rri evbare kugbe, avbe oduma ghi gha rri irunmwu zẹvbe ẹmila, avbe ẹyẹn i ra gha re emwi ikuaengbe ọvbehe. Emwi ọkpa ne ọre ọghe ọkhọ ra emwi dan, a i ghi ra miẹn ọẹn Vbe Zaiọn ne oke nọhuanrẹn mwẹ.”

Levitikọs 20:25

Rhunmwuda ọnii nian, wa ghi rẹn alughaẹn ne ọ rre ẹkpo aranmwẹ kevbe ahianmwẹ ne ẹ i mwẹ awua kevbe ni mwẹ awua. Wa ghẹ rri avbe aranmwẹ ra ahianmwẹ awua. Mẹ ta ẹe wẹ awua rre iran, de ghẹ wẹ ghi rri ọe, iran ghi mu awua nuẹn.

Maika 7:17

Iran gha wunnu la uzekhae vbe ẹyẹn. Iran gha ke owa ọkhẹ iran rre vbe uguọmwẹ kevbe ohan. Iran gha ya ohan bu e Nọyaẹnmwa Osanobua mwa rre.