Gẹnẹsis 29:4 - Edo Bible (E Baibol Ẹdo) Version 1996

⁴ E Jekọb keghi nọ iran wẹẹ, “Ihomwa, de ehe ne uwa ke rre yi?” Iran keghi wanniẹn wẹẹ, “Haran ma ke rre.”

Gẹnẹsis 29:4 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 27:43

Banbanna na nian ovbi mwẹ, ru vbene I tama ruẹn. Mu egbe ne u lẹ bu e Leban ne ọtẹn mwẹ vbe Haran.

Gẹnẹsis 28:10

Jekọb ke kpao vbe Biẹsiẹba rre, ọ na mu uhunmwu da Haran.

Gẹnẹsis 29:3

Avbe oghẹn ohuan hia ghẹ ghi si koko ye evba nẹ, avbe ọsuohuan ghi werriẹ okuta hiẹn unu ẹnrẹn rre, iran ghi sa amẹ ne iran wọn, iran ghi vbe dọlegbe mu okuta ye ihe ẹre.

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Iwinna 7:4

Rhunmwuda ọnii, rẹn keghi kpao vbe Kialdia rre, ọ na ya yin Haran. Erha Ebraham ghi wu nẹ, Osanobua na wẹ ne ọ si gha die ẹvbo na ne uwa ye na.