Gẹnẹsis 29:34 - Edo Bible (E Baibol Ẹdo) Version 1996

³⁴ Ọ keghi vbe dọlegbe hanmwa, ọ kevbe biẹ ọmọ okpia ọvbehe. Rẹn keghi kha wẹẹ, “Banbanna nian, te ọdọ mwẹ ghẹ ghi ya obọ mu mwẹ ẹse rhunmwuda, emọ ikpia eha ọre I he biẹlẹ nẹẹn,” ọ keghi he ẹre Livai.

Gẹnẹsis 29:34 ပူးပေါင်းရင်းမြစ်များ

Gẹnẹsis 30:20

Ọ keghi kha wẹẹ, “Osanobua ru mwẹ ẹse ne ọ gbe otiti, eban nian ọdọ mwẹ gha rhan obọ miẹn mwẹ rhunmwuda emọ ehan ọre I he biẹlẹ ne ọdọ mwẹ”; ọ keghi he ẹre Zebulọn. Vbe okiekie ọ keghi biẹ ọmọ okhuo ọkpa ne ọ he ẹre Dina.

Gẹnẹsis 34:25

ọ ghi rre ikpẹdẹ eha, vbene arhuẹ iran ma na he rrie, ivbi e Jekọb eva, e Simiọn kevbe Livai, etẹn Dina nikpia, na hẹ umozo iran, iran keghi la ore ẹvbo nii vbe ne ọmwaikọmwa i na vbe mu idandan, iran keghi gbele ikpia ni rrọọ hia a.

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Gẹnẹsis 4:1

Adam keghi tie amwẹ ọnrẹn ovbe, ọ na gha hanmwa. Rẹn keghi biẹ ọmọ okpia, ọ ke kha wẹẹ, “Mẹ mwẹ ọmọ okpia vbekpa iyobọ Nọyaẹnmwa.” Rẹn keghi rhunmwuda ọnii he ẹre Keni.

Gẹnẹsis 46:11

Ivbi e Livai kegha re Gẹsiọn, Kohat kevbe Merari.

Ẹksọdọs 2:1

Vbe uwu ẹghẹ na, okpia ọkpa vbe uniẹn Livai keghi vbe rhie okhuo ọkpa vbe uniẹn nii rọnmwẹ.