Gẹnẹsis 29:32 - Edo Bible (E Baibol Ẹdo) Version 1996

³² E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 29:32 ပူးပေါင်းရင်းမြစ်များ

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 29:31

E Nọyaẹnmwa ghi miẹn wẹ a ma ho ẹmwẹ e Lia vba Rekiẹl, ọ keghi ruẹe ne ọ biẹlẹ, sokpan, e Rekiẹl ma biẹ.

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 42:22

Riubẹn keghi kha wẹẹ, “I tama uwa ne uwa ghẹ ye obọ kan ọmọ nii ru ẹre emwi rhọkpa, sokpan wa ma họn. Banbanna nian, uwu ne ọ wu ọ re ima rri oya yi na.”

Gẹnẹsis 42:27

Iran ghi sẹ ehe ne iran vbiẹre, ọkpa vbe uwu iran keghi rhan ẹkpo ẹre ne ọ rhie evbare ne ekẹtẹkẹtẹ ọre, ọ keghi miẹn igho ẹre vbe uwu ẹkpo irẹn.

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

I Krọnikol 5:1

Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

Psalm 106:44

Sokpan, ugbẹn vbe iran ghi vbe tu ladian, e Nọyaẹnmwa keghi vbe họn urhu eve iran, ọ keghi vbe mu ẹmwẹ usẹ ne iran ye roro.

Psalm 25:18

Roro usẹ kevbe oya mwẹ ne u vbe ya orukhọ mwẹ hia bọ mwẹ.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Nọmbas 1:5

A keghi hannọ avbe ekaẹvbo na ni vbe re olotu vbe ẹvbo iran, ne iran winna iwinna na. Ẹwae Ọka ẹvbo E Riubẹn Elizọ ne ovbi Siediọ E Simiọn E Sielumiẹl ne ovbi Zurisiadai E Juda Nasiọn ne ovbi Aminadab Isaaka Netanẹl ne ovbi Zua E Zebulọn Eliab ne ovbi Hẹlọn Ifreim Ẹlisiama ne ovbi Emihud E Manasẹ E Gamaliẹl ne ovbi Pẹdazọ E Bẹnjamin Abidan ne ovbi Gidiọn E Dan Ahieza ne ovbi Amisiadai Asia E Pagiẹl ne ovbi Okran E Gad Eliasaf ne ovbi Deuẹl E Naftali Ahira ne ovbi Enan

Iyẹn ne ọ Maan Ọghe Luk 1:25

Rẹn keghi kha wẹẹ, “Banbanna nian, Nọyaẹnmwa do yọ mwẹ obọ vbe nian, ọ han ukpọn ozan hin mwẹ ẹkun rre.”

Diuteronomi 26:7

“ ‘Ẹre ima na datie Nọyaẹnmwa Osanobua avbe erha mwa odede ne ọ ye ima obọ. Rẹn keghi họn urhu mwa, ọ miẹn oya ne ima re kevbe ọlọghọmwa usẹ ne ima ye.

Diuteronomi 27:13

Avbe ẹwae na ghi vbe mudia ye Oke Ebal vbe a a gha tie ihẹn: Riubẹn, Gad, Asia, Zebulọn, Dan kevbe Naftali.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”