Gẹnẹsis 29:31 - Edo Bible (E Baibol Ẹdo) Version 1996

³¹ E Nọyaẹnmwa ghi miẹn wẹ a ma ho ẹmwẹ e Lia vba Rekiẹl, ọ keghi ruẹe ne ọ biẹlẹ, sokpan, e Rekiẹl ma biẹ.

Gẹnẹsis 29:31 ပူးပေါင်းရင်းမြစ်များ

Gẹnẹsis 11:30

Serai ma gha mwẹ emọ, rhunmwuda ọ ma biẹ.

Gẹnẹsis 16:1

E Serai ne amwẹ Ebram ma biẹ nẹẹn. Sokpan rẹn kegha mwẹ ovbi Igipt nokhuo ọkpa ne a tiẹre Hega vbe ọviẹn,

Gẹnẹsis 25:21

Ugbẹn vbe a miẹn wẹẹ e Ribẹka ma biẹ, rẹn keghi na erhunmwu ghe Nọyaẹnmwa vbe ekpa ẹre. E Nọyaẹnmwa keghi họn erhunmwu ẹre, e Ribẹka na do gha hanmwa.

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 29:30

E Jekọb kevbe gu e Rekiẹl ru emwi, ọ keghi ho ẹmwẹ Rekiẹl sẹ Lia. Ọ keghi dọlegbe ya ukpo ihinrọn winna ne Leban.

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 30:22

Ẹghẹ nii Osanobua keghi ye Rekiẹl rre, ọ keghi họn erhunmwu ẹnrẹn, ọ keghi giẹe biẹlẹ emọ.

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Malakai 1:3

I keghi vbe khuiwu Isọ kevbe ivbi uniẹn ọnrẹn. I dunmwu ẹvbo oke ọghe Isọ ua, I na se otọe ne o rro rae ne avbe aranmwẹ oha.”

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Iyẹn ne ọ Maan Ọghe Luk 1:7

Iran i mwẹ emọ rhunmwuda Elizabẹt ma biẹ, ke irẹn kevbe Zẹkaraia vbe khian ọmaẹn nẹ ẹsẹse.

Iyẹn ne ọ Maan Ọghe Luk 14:26

“Ọmwa ne ọ bu mwẹ rre, ẹ i sẹtin ru ọrhuanegbe mwẹ, deghẹ i re te ọ khuiwu erha ẹe, iye ẹe, amwẹ ọnrẹn, ivbi ẹre, etiọnrẹn ne ikpia kevbe etiọnrẹn ne ikhuo.

Iyẹn ne ọ Maan Ọghe Jọn 12:25

Ọmwa ne ọ rhirhi ho ẹmwẹ ẹdẹ agbọn rẹn, gha muẹn fua, ọmwa ne ọ khuiwu ẹdẹ agbọn rẹn vbe agbọn na gha dae yi ya sẹ arrọọ ne ẹ i mwẹ ọfo.

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Diuteronomi 21:15

“A gha miẹn ighẹ okpia mwẹ ikhuo eva, iran eveva na biẹlẹ emọ ikpia ne ẹẹn, sokpan a keghi miẹn wẹ ẹ i re amwebọ ne ọ rrọ ọ re ọ biẹ ọdiọn.

Ebe Rut 4:13

Ẹre Boaz ghi na rhie Rut gha rrie owa zẹ vbe amwẹ ọnrẹn, rẹn keghi gue ẹe ru emwi ọdọ vbe amwẹ, E Nọyaẹnmwa keghi gie ẹe hanmwa, ọ na biẹ ọmọ okpia.

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”

I Samuẹl 1:27

Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.

I Samuẹl 1:5

Sokpan ọ ghi rhie ne ọ mobọ maa ne Hanna. Ọ kakabọ ho ẹmwẹ ọnrẹn, a gha rhe miẹn wẹ e Nọyaẹnmwa ma rhie ọmọ ne ẹẹn biẹ.

I Samuẹl 2:21

E Nọyaẹnmwa keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmọ okpia nii ighẹ Samuẹl keghi wan vbe uwu ugamwẹ e Nọyaẹnmwa.