Gẹnẹsis 29:27 - Edo Bible (E Baibol Ẹdo) Version 1996

²⁷ Zin egbe ne u gie izọla ọkpa oghọghọ irhiọha gba nẹ, I gha vbe rhie Rekiẹl nuẹn a deghẹ u gha ga mwẹ la ukpo ihinrọn ọvbehe.”

Gẹnẹsis 29:27 ပူးပေါင်းရင်းမြစ်များ

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Gẹnẹsis 29:26

E Leban keghi khama rẹn wẹẹ, “Ma i ruẹe vberriọ vbe edinran, ne a ka rhie ọvbokhan rrie khẹ ọdiọn.

Gẹnẹsis 29:28

E Jekọb ke kue yọ, izọla oghọghọ irhiọha ni ghi gba nẹ, e Leban keghi rhie Rekiẹl ne ovbi ẹre nẹẹn rhie rọnmwẹ. (

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Levitikọs 18:18

Ghẹ rhie ovbiye amwẹ ọn rọnmwẹ vbe amwẹ ọn nii a ye gha rre agbọn.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.

Giọgis 14:10

Erha ẹe kegha rrie owa ọmọ okhuo nii, ọ re Samsin na le evbare tie emwa sẹ owa vbe evba. Erriọ ọ re avbe igbama gha a ru ẹe.

Giọgis 14:12

E Samsin keghi tama iran wẹẹ, “I ra mu ibo ọkpa ne uwa san. Wa i ra sẹtin san rẹn ikpẹdẹ ihinrọn ọghe iruemwi na te do gberra sokpan deghẹ wa sẹtin, I gha viọ ukhiọnfọ eto ovbiohuẹ ọgban ne mose mose kevbe ẹwu ne mose mose ughughan ọgban ne uwa.” Iran keghi tama rẹn, “Ta ibo ruẹ ma ima, gie ima họn ẹn.”