Gẹnẹsis 29:25 - Edo Bible (E Baibol Ẹdo) Version 1996

²⁵ Ẹdẹ ghi gbe nẹ e Jekọb keghi do rẹn wẹ e Lia nọ. Rẹn keghi bu e Leban gha khian, ọ tama rẹn wẹẹ, “Vbua na ru mwẹ vberriọ hẹ yi? E Rekiẹl ọre I ga yi. Vbua na fi mwẹ hẹ.”

Gẹnẹsis 29:25 ပူးပေါင်းရင်းမြစ်များ

Gẹnẹsis 12:18

Ẹghẹ nii, ọba keghi gie ne a tie Ebram, ọ nọ rẹn wẹẹ, “U miẹn emwi ne u si yọ mwẹ egbe, vbọzẹ ne u ma na tama mwẹ wẹ amwọn nọ?

Gẹnẹsis 20:9

Abimẹlẹk ke tie Ebraham, ọ nọ rẹn wẹẹ, “Vbua na ru ima vbenian hẹ yi? De emwi dan ne I ru ẹre ne u na si emwi dan nọkhua na ye imẹ vbe otọe arriọba mwẹ egbe? A i ghẹ ru ọre u ru mwẹ re na.

Gẹnẹsis 26:10

Abimẹlẹk keghi kha wẹẹ, “Vbe ọna khun emwi ne u ru ima re na? A deghẹ a miẹn emwa mwẹ eso ni gu ọvbokhan ru emwi, uwẹ ọ re ọ gha do ye ima rri abe.”

Gẹnẹsis 29:16

E Leban kegha mwẹ emọ ikhuo eva; a keghi tie nọdiọn nọ rrọọ Lia, a kegha tie nekherhe Rekiẹl.

Gẹnẹsis 29:24

E Leban keghi rhie Zilpa ne ọviẹn ọnrẹn nokhuo zẹvbe ne ọ gha guẹ dia ne Lia ne ovbi ẹre.)

Gẹnẹsis 29:26

E Leban keghi khama rẹn wẹẹ, “Ma i ruẹe vberriọ vbe edinran, ne a ka rhie ọvbokhan rrie khẹ ọdiọn.

Gẹnẹsis 31:26

E Leban keghi khama e Jekọb wẹẹ, “Vbua na rẹrẹ mwẹ hẹ yi ne u na silo ivbimwẹ gha rrie vbe ne a silo ikhuo ne a munọ ẹn vbe okuo rrie?

Gẹnẹsis 31:7

Sevba, ọ rhu mwẹ re, ọ na fi igho ne ọ hae mẹ yo fi ẹe rre igba igbe. Sokpan Osanobua ma gie obọ ẹre gba mwẹ.

Itan 11:31

Te a wa san iran ni maa ẹse vbe agbọn na, wẹ ghi la evba rẹn wẹ te a gha rria emwa dan kevbe emwa orukhọ ikhi.

Matiu 7:12

“Ru ne emwa ọvbehe egbe emwi ne uwẹ ho ne iran ru ne uwẹ. Emwi na ya Uhi Mosis kevbe avbe akhasẹ kha ọre ọnii khin.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

I Kọrinti 3:13

A gha rẹn vbene iwinna edọmwadẹ ọghọe ye hẹ vbe Ẹdẹ Kristi, ẹdẹ ne ọ gha we ehia uhe ua. Rhunmwuda, erhẹn ne Ẹdẹrriọ gha rhie iwinna edọmwadẹ ọghọe maa, erhẹn gha danmwẹ ọẹn ghe, ne a miẹn ehe na rẹn vbene ọ ye hẹẹ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.

I Samuẹl 28:12

Okhuo nii ghi bẹghe Samuẹl, ọ keghi datu. Ọ na khama Sọl wẹẹ, “Vbọzẹ ne u na rẹrẹ mwẹ yi? Wẹ ọrọre Sọl ne ọba!”