Gẹnẹsis 29:21 - Edo Bible (E Baibol Ẹdo) Version 1996

²¹ E Jekọb keghi khama e Leban wẹẹ, “Ẹghẹ gba nẹ rhie ovbuẹ mẹ rhie rọnmwẹ.”

Gẹnẹsis 29:21 ပူးပေါင်းရင်းမြစ်များ

Gẹnẹsis 29:18

E Jekọb kegha ho ẹmwẹ Rekiẹl, ọ keghi kha wẹẹ, “I gha ya ukpo ihinrọn ga ye Rekiẹl, adeghẹ ugha rhie mẹ.”

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Gẹnẹsis 29:22

Ẹre Leban na le evbare irhiọha, ọ na tie emwa hia sẹ owa.

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Gẹnẹsis 38:16

Rẹn keghi bu ẹre gha rrie ọkpẹn odẹ, ọ tama rẹn wẹẹ, “Larre, inu igho u miẹn ọmwa re yi?” (Ọ ma rẹn wẹ amwẹ ovbi ẹre nọ.) Rẹn ke nọ rẹn wẹẹ, “Vbu a ra rhie mẹ?”

Gẹnẹsis 4:1

Adam keghi tie amwẹ ọnrẹn ovbe, ọ na gha hanmwa. Rẹn keghi biẹ ọmọ okpia, ọ ke kha wẹẹ, “Mẹ mwẹ ọmọ okpia vbekpa iyobọ Nọyaẹnmwa.” Rẹn keghi rhunmwuda ọnii he ẹre Keni.

Matiu 1:18

Vbene a ya biẹ Jesu hẹ ọre ọna khin. Josẹf ọre a ya Meri ne iye Jesu na. Sokpan vba te rhie ẹre rrie, a keghi miẹn wẹ ọ hanmwa vbekpa ẹtin Orhiọn Ne Ọ Huanrẹn.

Diuteronomi 22:13

“Gie a kha ighẹ okpia rhie okhuo, iran vbe ọ re keghi ru emwi ọdọ vbe amwẹ, adeghẹ iyeke ọnii, okpia nii do kha ighẹ rẹn i ghi rhie okhuo nii.

Giọgis 15:1

Ọ ghi kpẹe fua kherhe, vbe ọ sẹ ẹghẹ ne a ya fian ọka, e Samsin keghi ya tue amwẹ ọnrẹn, ọ keghi mu ovbi ewe gie ẹe. Rẹn keghi tama erha amwẹ ọnrẹn wẹẹ, “I ho ne I gha rrie ughugha ọvbokhan mwẹ.” Sokpan ọ ma gie ẹe gha khian.