Gẹnẹsis 29:20 - Edo Bible (E Baibol Ẹdo) Version 1996

²⁰ E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Gẹnẹsis 29:20 ပူးပေါင်းရင်းမြစ်များ

Gẹnẹsis 24:67

Aizik keghi rhie Ribẹka la uwe owa ukpọn, ọ na rhie ẹre rọnmwẹ. Aizik ho ẹmwẹ Ribẹka, ọnii ọre ọ ghi fu ẹre ẹko rre vbe iye ẹe ghi wu nẹ.

Gẹnẹsis 29:19

E Leban keghi kha wẹẹ, “I ya ẹe nuẹn ọre ọ ma sẹ ne I yae ne ọmwa ọvbehe, tota ke mwẹ.”

Gẹnẹsis 29:27

Zin egbe ne u gie izọla ọkpa oghọghọ irhiọha gba nẹ, I gha vbe rhie Rekiẹl nuẹn a deghẹ u gha ga mwẹ la ukpo ihinrọn ọvbehe.”

Gẹnẹsis 29:30

E Jekọb kevbe gu e Rekiẹl ru emwi, ọ keghi ho ẹmwẹ Rekiẹl sẹ Lia. Ọ keghi dọlegbe ya ukpo ihinrọn winna ne Leban.

Gẹnẹsis 30:26

Viọ avbe ọvbokhan mwẹ mẹ ne I ga yi vbe obọ ruẹ, kevbe ivbimwẹ, ne I kpao. U rẹn vbe ne I ga ẹsẹse hẹ.”

Gẹnẹsis 31:15

Ẹre aro ne a ya ghe orhunmwuyẹn ọre ọ ya ghe ima? Te ọ khiẹnnẹ ima. Eban nian, ọ vbe lo igho ne ọ miẹn vbe uhunmwu ima nẹ.

Gẹnẹsis 34:19

Ọvbokhan na ma vbe yae rhọ eghẹrẹ, ọ keghi wa gha ru vbene iran khare rhunmwuda ẹmwẹ ovbi e Jekọb nokhuo la ẹre aro. Okpia na ọre ọ vbe re ne ọ ru ọmwa kpataki sẹ vbe ẹgbẹe ọre.

Hozia 12:12

E Jekọb ne erha mwa odede, e Mẹsopotamia ọ re ọ lẹẹ gha rrie, vbe odọ niii, te ọ gha ga ọmwa ọvbehe ọ na gha su ohuan ẹnrẹn ne ẹẹn, ne ọ miẹn ehe na sẹtin rhie okhuo.

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

I Kọrinti 13:7

Ẹtin i fo aho ẹmwẹ ọmwa ne ọ zobọ iyayi, idaehọ kevbe i ziengbe ẹre i fi raa.

II Kọrinti 5:14

Rhunmwuda, aho ẹmwẹ ọmwa ne Kristi mwẹ ghe mwa, ọre ọ da kha yan mwa, ugbẹn vbe ima ghi do rẹn nẹ nian wẹ, orhiọnkpa wu ne emwa hia, ne ọ rhie maa wẹ, emwa hia mwẹ oghae vbe uwu ẹre.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

I Samuẹl 18:23

E Devid keghi kha wẹẹ, “Uyi nọkhua wa nọ ne ọmwa gha re orruan ọba, ọ kpọlọ sẹ ovbiogue kevbe ovbi evbamarẹn zẹ vbe ne imẹ ye na.”