Gẹnẹsis 29:2 - Edo Bible (E Baibol Ẹdo) Version 1996

² Vbe udomwurri, ọ na bẹghe uhae vbe uwu oha, oghẹn ohuan eha keghi rhu ye ọkpẹn ọnrẹn. Uhae na ọre iran ke sa amẹ ne avbe oghẹn ohuan nii wọn, iran keghi mu okuta nọkhua gue unu ẹnrẹn.

Gẹnẹsis 29:2 ပူးပေါင်းရင်းမြစ်များ

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 24:11

Ọ ghi sẹ evba, ọ viọ avbe ekẹtẹkẹtẹ nii ye iguẹ vbe ọkpẹn uhae ne ọ rre vbe a ra ladian vbe ẹvbo nii, ọ keghi re ẹdogbota, ẹghẹ ne ikhuo do ya gha sa amẹ.

Gẹnẹsis 24:13

I mudia ye ọkpẹn uhae na ẹghẹ ne emọ ikhuo ni rre ẹvbo na gha na do sa amẹ.

Gẹnẹsis 29:3

Avbe oghẹn ohuan hia ghẹ ghi si koko ye evba nẹ, avbe ọsuohuan ghi werriẹ okuta hiẹn unu ẹnrẹn rre, iran ghi sa amẹ ne iran wọn, iran ghi vbe dọlegbe mu okuta ye ihe ẹre.

Psalm 23:2

Ọ mu mwẹ lovbiẹ vbe oha ne ọ furre, ọ rhie mwẹ gha rriẹ ẹzẹ ne ọ furre khuẹrhẹ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 4:6

Uhae ọghe Jekọb keghi rre evba, rhunmwuda ne egbe okhian ghi na wọ Jesu ni, rẹn keghi tota ye ọkpẹn uhae ni, owẹn sẹ adesẹ ukhunmwu nẹ.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”

Giọgis 5:11

Wa danmwẹ ehọ, iran ni gbe owogho vbe ọkpẹn uhae ẹmwẹ akhọnmiotọ ọghe Nọyaẹnmwa ọ re iran ta akhọnmiotọ ọghe ivbi Izrẹl, emwa e Nọyaẹnmwa keghi gbe ukpukpẹ kevbe avbe ẹvbo iran.