Gẹnẹsis 29:17 - Edo Bible (E Baibol Ẹdo) Version 1996

¹⁷ Aro e Lia mose sokpan Rekiẹl keghi zọ ẹse, ọ kevbe mose.

Gẹnẹsis 29:17 ပူးပေါင်းရင်းမြစ်များ

Gẹnẹsis 12:11

Ugbẹn vbe ọ ghi khian fian uwu gberra la Igipt, ọ keghi tama Sera ne amwẹ ọnrẹn wẹẹ, “Danmwehọ, okhuo nọ mose ọ re u khin.

Gẹnẹsis 12:14

Ugbẹn vbe ọ ghi fian uwu rra la Igipt, avbe emwa Igipt, keghi miẹn wẹ amwẹ ọnrẹn wa mose.

Gẹnẹsis 24:16

Uvbi ọre nọ, ọ keghi mose ẹsẹse, ọ ma he rẹn okpia. Ọ keghi rrie uhae, ọ ke ya sa amẹ vuọn esago ẹre, ọ na dọlegbe gha dee.

Gẹnẹsis 26:7

Emwa ẹvbo nii ghi gualọ otọ ẹmwẹ amwẹ ọnrẹn vbe obọ ẹre, ọ keghi kha wẹẹ, “Ọtẹn mwẹ nokhuo nọ.” Ohan kegha muẹn wẹẹ emwa ẹvbo nii gha gbe irẹn uan ne iran rhie, e Ribẹka ne ọ wa mose ẹsẹse.

Gẹnẹsis 29:16

E Leban kegha mwẹ emọ ikhuo eva; a keghi tie nọdiọn nọ rrọọ Lia, a kegha tie nekherhe Rekiẹl.

Gẹnẹsis 29:18

E Jekọb kegha ho ẹmwẹ Rekiẹl, ọ keghi kha wẹẹ, “I gha ya ukpo ihinrọn ga ye Rekiẹl, adeghẹ ugha rhie mẹ.”

Gẹnẹsis 29:30

E Jekọb kevbe gu e Rekiẹl ru emwi, ọ keghi ho ẹmwẹ Rekiẹl sẹ Lia. Ọ keghi dọlegbe ya ukpo ihinrọn winna ne Leban.

Gẹnẹsis 30:22

Ẹghẹ nii Osanobua keghi ye Rekiẹl rre, ọ keghi họn erhunmwu ẹnrẹn, ọ keghi giẹe biẹlẹ emọ.

Gẹnẹsis 35:24

Ivbi e Rekiẹl kegha re Josẹf kevbe Bẹnjamin.

Gẹnẹsis 39:6

E Pọtifa keghi viọ emwi ne ọ mwẹ ne Josẹf ne ọ gha gbearoghe. Ẹ i ghi vbe si osi ye emwi rhọkpa gberra evbare ne ọ re. E Josẹf keghi re ọmọ ne ọ zọ ẹse ne ọ vbe mose.

Gẹnẹsis 48:7

Emwi ne ọ ya mwẹ ru ọna ọrọre, ẹmwẹ Rekiẹl ne iyuẹ, ẹghẹ vbe I ke Mẹsopotamia dee, ọ keghi da mwẹ ẹsẹse wẹ, rẹn keghi wu vbe otọe Kenan, vbe a ma he sẹ Efrat. I na re ẹnrẹn ye evba vbe otọe Efrat (Efrat ọrọre Bẹtlẹhẹm).”

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.

Jerimaia 31:15

E Nọyaẹnmwa khare wẹẹ, “A họọn urhu okpa vbe Rama, urhu eve orriara. E Rekiẹl gha viẹ avbe ivbi ẹre i iran rrie, ọ ma ghi kue ne a bọ irẹn.

Matiu 2:18

“A họn ugomwẹ ọkpa vbe Rama, a họn ugomwẹ eve orriara, Rekiẹl viẹ avbe ivbi ẹre; ọ viẹ ẹe, ọ ma gia bọ ọ, rhunmwuda, ọ ma ghi kẹe vbọ hiehie.”

I Samuẹl 10:2

U gha kpao vbe ehe ne I ye rre nẹ ẹrẹ, u gha khian vba ikpia eva vbe ọkpẹn idin Rekiẹl vbe Zẹleza ne ọ rre otọ Bẹnjamin. Iran gha tama ruẹn wẹ a miẹn avbe ekẹtẹkẹtẹ ne u gualọ khian nẹ, wẹ, ẹ i re igbinna avbe eni ọ re erhaa ghi ye ighẹ ẹmwẹ ruẹn ọre ọ ghi mu ro wẹẹ, ‘Vbe I a ra ru ẹmwẹ ovbi mwẹ hẹ?’