Gẹnẹsis 29:13 - Edo Bible (E Baibol Ẹdo) Version 1996

¹³ Ugbẹn vbe ọ ghi họn ẹmwẹ Jekọb ne ọtiọnrẹn, ọ rhulẹ ya vba ẹre, ọ gbae ginna egbe, ọ keghi ya unu soso ẹre unu, ọ na rhie ẹre gha die owa. Jekọb na na iyẹn emwi ni sunu hia ma e Leban.

Gẹnẹsis 29:13 ပူးပေါင်းရင်းမြစ်များ

Gẹnẹsis 24:29

Leban ne ọtẹn Ribẹka keghi rhulẹ ladian gha rrie uhae ne nene okpia ye.

Gẹnẹsis 24:31

Rẹn keghi tama rẹn wẹẹ, “Lele mwẹ gha die owa, ọmwa ne Nọyaẹnmwa fiangbe ọre u khin, vbua na mudia ye ore hẹ yi vbe I dọlọ ihe eso ye otọ khẹ ruẹ nẹ vbe uwe owa, otọ vbe rrọ ne avbe kẹtẹkẹtẹ ruẹ.”

Gẹnẹsis 24:32

Ẹre okpia nii na la owa, e Leban keghi bannọ ihẹ hin egbe avbe ekẹtẹkẹtẹ rre, ọ keghi viọ irunmwu kevbe evbare ne iran, ọ kevbe sa amẹ gie ọguọmwadia Ebraham kevbe emwa rẹn ya kpe owẹ.

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

Gẹnẹsis 45:15

Vbe iyeke ọnii, ọ keghi mu unu soso etiọnrẹn hia fẹẹrẹ unu, ọ keghi viẹ vbe ne ọ gba iran ginna egbe.

II Samuẹl 19:39

Ẹre Devid vbe emwa rẹn hia na do fian e Jọdan rra. Ọ keghi mu e Bazilai unu hiẹnhiẹn, ọ na na erhunmwu ne ẹẹn, ẹre Bazilai na dọlegbe gha rrie owa.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.

Iyẹn ne ọ Maan Ọghe Luk 7:45

U ma ye isoso unu gbe ọbokhian mẹ, sokpan ne I ya sẹ emwa usin, ọ ma he da obọ unu ne ọ ya soso mwẹ owẹ yi.

Iwinna 20:37

Ehia keghi wa gbe akhe eve ua, iran keghi gbae ginna egbe iran kegha mu ẹre unu hiẹnhiẹn ya gbe ọkhian ẹdẹ hia nẹẹn.

Ebe ne Pọl gbẹẹn gie emwa Rom 16:16

Wa ya isoso unu etẹn tuẹ egbe uwa. Esọsi Kristi hia we uwa do.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.