Gẹnẹsis 29:1 - Edo Bible (E Baibol Ẹdo) Version 1996

¹ Jekọb keghi deyan okhian, ọ na mu uhunmwu da otọ avbe iran ni rre odẹ ahọ.

Gẹnẹsis 29:1 ပူးပေါင်းရင်းမြစ်များ

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 25:6

Sokpan vbe ọ te wu, ọ keghi ye emwi ne avbe ivbi ẹre nikpia nekpa ne avbe amwẹ ọnrẹn nekpa biẹlẹ nẹẹn. Ọ keghi gie iran gha rrie odẹ ahọ, lahin ehe ne Aizik ne ovbi ẹre ye rre.

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Gẹnẹsis 35:7

Ọ keghi gba aka ye evba, ọ na gha tie ẹre Bẹtẹl rhunmwuda Osanobua ye egbe naẹn miẹn vbe evba vbe ẹghẹ ne ọ na gha lẹ hin ehe ne ọtiọnrẹn ye rre.

I Ọba 4:30

E Solomọn keghi wan sẹẹ avbe umẹwaẹn ni rre odẹ ahọ kevbe avbe umẹwaẹn ni rre Igipt.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Hozia 12:12

E Jekọb ne erha mwa odede, e Mẹsopotamia ọ re ọ lẹẹ gha rrie, vbe odọ niii, te ọ gha ga ọmwa ọvbehe ọ na gha su ohuan ẹnrẹn ne ẹẹn, ne ọ miẹn ehe na sẹtin rhie okhuo.

Nọmbas 23:7

E Balam keghi guan ẹmwẹ akhasẹ na wẹẹ, “E Balak ne ọba e Moab ọ re ọ rhie mwẹ ke Siria ne ẹvbo oke ne odẹ ahọ gha dee. Ọ keghi kha wẹẹ, ‘Larre do gun mwẹ guan, fi avbe emwa Izrẹl unu.’

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

Giọgis 6:33

Ẹre ivbi e Midian hia, emwa Amẹlẹk kevbe avbe ẹwae ni rre uwu ato na do si koko, iran na fian Ẹzẹ Jọdan rra, iran na bu agọ ye Iya Jezrẹl.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

Giọgis 8:10

E Zẹba kevbe Zalmuna kegha rre Kakọ, iran kevbe ivbi iyokuo iran. Vbe uwu ivbi iyokuo ẹwae ni ke ato rre, arriaisẹn ekesugie (15,000) ọre ọ ghi ke ẹe, a gbele arriaisẹn iyehan (120,000) vbe uwu iran.