Gẹnẹsis 28:21 - Edo Bible (E Baibol Ẹdo) Version 1996

²¹ I na vbe dọlegbe sẹ owa erha mwẹ hẹnnẹdẹn, wẹ ọre Ọ khian gha re Osanobua mwẹ.

Gẹnẹsis 28:21 ပူးပေါင်းရင်းမြစ်များ

II Samuẹl 15:8

Ẹghẹ ne I na gha rre Gẹsiọ vbe Aram, I yan ma e Nọyaẹnmwa wẹ, ọ gha rhie mwẹ dọlegbe sẹ Jerusalẹm, I gha do ga ẹe vbe Hibrọn.”

II Samuẹl 19:24

Ẹre Mẹfibosiẹt ne eyẹ e Sọl na do khian vba ọba. Ọ ma he sa amẹ ya kpe owẹ, ra ne ọ zẹ ẹtu, ra ne ọ họ ukpọn rẹn, ke ẹghẹ ne ọba ya kpao vbe Jerusalẹm do sẹ ẹghẹ ne ọ na werriegbe rre ke irẹn kevbe akhọnmiotọ.

II Samuẹl 19:30

E Mẹfibosiẹt keghi wanniẹn wẹẹ, “Gie Ziba kue wa viọ ehia, ẹko e ne uwẹ na werriegbe rri owa vbe ọfumwegbe na vuọn mwẹ Umogun.”

II Ọba 5:17

Ẹre Naaman ghi na kha wẹẹ, “A deghẹ u i miẹn mwẹ emwi ihaoko, gunmwẹ zẹ ekẹn ne ọ gha sẹ ekẹtẹkẹtẹ eva mu gha rrie owa, rhunmwuda, ke ẹghẹ na kpao, mẹ i ghi zọ ese rhọkpa ra ese ne a giẹn uan ghe ẹbọ rhọkpa gberra e Nọyaẹnmwa.

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Diuteronomi 26:17

Vbe ẹdẹnẹrẹ na, wa miẹn e Nọyaẹnmwa kue nẹ zẹ vbe Osanobua rua, wa yan rẹn ighẹ wa gha họn ẹmwẹ kevbe ne uwa gha rhie uhi ẹre mwẹ, kevbe ne uwa vbe gha ru vbene ọ khare hia.

Giọgis 11:31

I gha ke okuo nii dee, ọmwaikọmwa ne ọ ka ke owa mwẹ ladian do khian vba mwẹ, I gha giẹn ọnrẹn uan ya zọ ese nuẹn.”