Gẹnẹsis 28:2 - Edo Bible (E Baibol Ẹdo) Version 1996

² Mu egbe ne u do gha rrie Mẹsopotamia, ne u gha rrie owa Bẹtuẹl ne erha iyuẹ. U ghi rhie ọkpa vbe avbe ikhuo ni rre evba rọnmwẹ, ọkpa vbe uwu avbe emọ ikhuo Leban ne ọtẹn iyuẹ.

Gẹnẹsis 28:2 ပူးပေါင်းရင်းမြစ်များ

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 24:29

Leban ne ọtẹn Ribẹka keghi rhulẹ ladian gha rrie uhae ne nene okpia ye.

Gẹnẹsis 24:4

U ghi gha rrie ẹvbo mwẹ ne u ya rhie okhuo gie Aizik ne ovbi mwẹ vbe usun ivbi etẹn mwẹ.”

Gẹnẹsis 24:50

E Leban kevbe Bẹtuẹl keghi wanniẹn wẹẹ, “Ugbẹn vbe a miẹn wẹẹ obọ e Nọyaẹnmwa ọre emwi na la rre, ẹ i re ima ọ gha ta emwi ne a gha ru.

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 28:5

Aizik keghi gie Jekọb gha rrie Mẹsopotamia, gha rrie ọghe Leban ne ovbi Bẹtuẹl ne ọmwa Aram. E Leban keghi re ọtẹn Ribẹka ne iye Jekọb kevbe Isọ.

Gẹnẹsis 29:1

Jekọb keghi deyan okhian, ọ na mu uhunmwu da otọ avbe iran ni rre odẹ ahọ.

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Gẹnẹsis 33:18

E Jekọb keghi sẹ Siẹkẹm vbe otọ Kenan hẹnnẹdẹn vbe ọ ghi dọlegbe ke Mẹsopotamia rre. Ọ keghi bu agọ ẹre ye uwu oha vbe odaro ẹvbo nii.

Gẹnẹsis 35:9

E Jekọb ghi ke Mẹsopotamia rre, Osanobua keghi dọlegbe rhie egbe ma rẹn ọ na fiangbe ẹe.

Gẹnẹsis 46:15

Ena kegha re emọ ne Lia biẹlẹ ne Jekọb vbe Mẹsopotamia deba ovbi ẹre nokhuo ighẹ Dina. Vbe uwu ehia, ivbi urho ẹre ke obọ Lia rre kegha re eha yan ọgban.

Hozia 12:12

E Jekọb ne erha mwa odede, e Mẹsopotamia ọ re ọ lẹẹ gha rrie, vbe odọ niii, te ọ gha ga ọmwa ọvbehe ọ na gha su ohuan ẹnrẹn ne ẹẹn, ne ọ miẹn ehe na sẹtin rhie okhuo.

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.