Gẹnẹsis 28:18 - Edo Bible (E Baibol Ẹdo) Version 1996

¹⁸ E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua.

Gẹnẹsis 28:18 ပူးပေါင်းရင်းမြစ်များ

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

Gẹnẹsis 28:11

Owẹn ghi dero, ọ keghi sẹ ehe nọhuanrẹn ọkpa ọ na yakọ vbe evba, ọ keghi mu okuta ya ke uhunmwu vbe ọ lovbiẹ, ọ na gha vbiẹ.

Gẹnẹsis 31:13

Mẹ ọrọre Osanobua ne ọ rhiegbe ma ruẹn vbe Bẹtẹl ehe ne u na tue ofigbọn yan okuta ya zẹ ayere, ne u na vbe yan. Banbanna nian, mu egbe ne u gha rrie ẹvbo ruẹ ehe ne a na biọ.’ ”

Gẹnẹsis 31:45

E Jekọb keghi mu okuta ayere ye evba.

Gẹnẹsis 35:14

E Jekọb keghi mu okuta ayere ye evba nii. Ọ keghi sa emwi na wọn ya zọ ese yan rẹn, kevbe ofigbọn.

Gẹnẹsis 35:20

E Jekọb keghi mu okuta ayere ye idin ẹnrẹn, nene “Orrẹ ọghe Rekiẹl” ye rre evba do sẹ ẹdẹnẹrẹ na.

II Samuẹl 18:18

Vbe ẹghẹ ne ọ na rre agbọn, Absalọm keghi ma ibiriki ayere ọkpa ne egbe ẹre vbe Iya Ọba, rhunmwuda ẹ i mwẹ ọmọ okpia ne ọ gha mu ẹgbẹe ọghe ọe gbọ. Ọ keghi he ẹre eni egbe ẹre. Do sẹ ẹdẹnẹrẹ, Ibiriki Ayere Absalọm ọ re a ye tie ẹre.

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Aizaia 19:19

Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Nọmbas 7:1

Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Jọsua 4:9

E Jọsua kevbe mwamwa okuta iweva ye adesẹ Jọdan ehe ne avbe ohẹn ni mu Ẹkpẹti Ile Nọyaẹnmwa mudia yi (avbe okuta na ye rre evba.)

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”