Gẹnẹsis 28:13 - Edo Bible (E Baibol Ẹdo) Version 1996

¹³ Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 28:13 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 28:4

Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!”

Gẹnẹsis 31:13

Mẹ ọrọre Osanobua ne ọ rhiegbe ma ruẹn vbe Bẹtẹl ehe ne u na tue ofigbọn yan okuta ya zẹ ayere, ne u na vbe yan. Banbanna nian, mu egbe ne u gha rrie ẹvbo ruẹ ehe ne a na biọ.’ ”

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Gẹnẹsis 32:9

Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’

Gẹnẹsis 35:1

Osanobua keghi tama e Jekọb wẹẹ, “Muegbe ne u gha rrie Bẹtẹl ne u ya yin evba. U ghi gba aka mẹ vbe evba, Mẹ ne Osanobua ne ọ rhie egbe ma ruẹn vbe vba ẹghẹ ne u na gha lẹ khian hin obọ Isọ ne ọtuẹn.”

Gẹnẹsis 35:12

I gha mu otọ ne I mu ne Ebraham Aizik nuẹn, I gha vbe mu ẹẹn ne ivbi uniẹn ruẹn vbe iyeke ruẹ.”

Gẹnẹsis 35:15

Ọ kegha tie evba nii Bẹtẹl.

Gẹnẹsis 35:17

Ugbẹn vbe obọ emwi ubiẹmwẹ ghi wa dae, okhuo ne ọ mu ẹre emwi ubiẹmwẹ keghi tama rẹn wẹẹ, “Ghẹ gie ohan muẹn, ọmọ okpia vbe nọ.”

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

Gẹnẹsis 48:3

E Jekọb keghi tama e Josẹf wẹẹ, “Osanobua Noghodua rhie egbe ma mwẹ vbe Luz, vbe otọe Kenan, ọ keghi fiangbe mwẹ.

I Krọnikol 16:16

Ile ne ọ gu Ebraham ta, emwi ne ọ ve Aizik re.

I Krọnikol 16:18

“I gha mu otọ Kenan nuẹn ọwuẹ ra gha nọ.” Erriọ ọ re ọ tae.

Psalm 105:11

“I gha mu otọe Kenan nuẹn ọ ghi gha re ọwuẹ.” Erriọ ọre ọ khare.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ezikiẹl 28:25

E Nọyaẹnmwa ne Oghodua keghi kha wẹẹ, “I gha viọ ivbi Izrẹl werriegbe ke ehe ne I te zagha iran kui gha dee, avbe uhunmwu ẹvbo hia ghi vbe rẹn wẹ, ọmwa nọhuanrẹn ọre imẹ khin. Ivbi Izrẹl gha di ẹvbo iran ya, otọe ne I mu ne Jekọb ne ọguọmwadia mwẹ.

Emọs 7:7

I keghi vbe miẹn umian ọvbehe ke ehe ne Nọyaẹnmwa ye rre. Vbe uwu ẹre, I keghi bẹghe ẹre vbe ọ mudia ke ekẹn ne a ya emwi ne a ya mwa egbekẹn mwaa vbe a gbe ẹe, rẹn keghi vbe mwẹ emwi ne a ya mwa egbekẹn vbe obọ ẹre.

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Iwinna 7:5

Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.