Gẹnẹsis 27:41 - Edo Bible (E Baibol Ẹdo) Version 1996

⁴¹ Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 27:41 ပူးပေါင်းရင်းမြစ်များ

Gẹnẹsis 27:42

Sokpan, Ribẹka keghi rẹn ehe ne Isọ ghae yi, ọ na gie na tie Jekọb, ọ tama rẹn wẹẹ, “Danmwehọ, Isọ ne ọtuẹn ho ne ọ rria ruẹ ikhi, ne ọ gbua.

Gẹnẹsis 32:11

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.

Gẹnẹsis 32:3

E Jekọb keghi gie emwa ke odaro bu Isọ ne ọtiọnrẹn vbe Idọm.

Gẹnẹsis 32:6

Ugbẹn vbe iran ne a gie ẹre uhunmwu ghi rre, iran wẹẹ, “Ma sẹ ehe ne Isọ ne ọtuẹn ye, rẹn sẹ odẹ nẹ nian ne ọ na bu ruẹ dee. Ọ viọ arhin uri eva ba egbe.”

Gẹnẹsis 35:29

vbe ọ wu. Ọ keghi yaba emwa rẹn ni wulo nẹ vbe ọ wa khian ọ maẹn nẹ. Isọ kevbe Jekọb ne ivbiẹre keghi re ẹre.

Gẹnẹsis 37:18

Iran keghi bẹghe ẹre vbe urria, vbe ọ ma he sẹ ehe ne iran ye, iran na khuan khẹ ọre ne iran gbẹe rua.

Gẹnẹsis 37:4

Ugbẹn vbe etiọnrẹn ghi miẹn wẹ erha iran ho ẹmwẹ Josẹf sẹẹ vbene ọ ho ẹmwẹ iran, iran kegha muohu ọtẹn iran sẹrriọ wẹ iran i ghi guẹe ku hiehiere.

Gẹnẹsis 37:8

Etiọnrẹn keghi nọrẹn wẹẹ, “Te uwẹ ro ighẹ u gha rri ọba yan ima ra?” Iran keghi dọlegbe kakabọ gha mu ohu ẹre rhunmwuda ẹmwẹ ne ọ tae vbe kpa iran kevbe imina rẹn.

Gẹnẹsis 50:15

Ugbẹn vbe erha iran ghi wu nẹ, etẹn e Josẹf keghi kha wẹẹ, “A deghẹ te ohu ima ye mu e Josẹf vbo, ọ na wẹ rẹn ra rria ikhi ye emwi dan ne ima ru ẹre re?”

Gẹnẹsis 50:2

Ẹre Josẹf na wẹ ne avbe ọbo ọghọe ka erhae mu ya. Avbe ọbo nii kevbe ru vberriọ.

II Krọnikol 35:24

Iran keghi tọn ẹn mu hin uwu ikẹkẹ okuọ ọghọe rre, iran na mu ẹẹn ye ikẹkẹ okuọ ọvbehe ne ọ rre evba, iran na mu ẹẹn gha rrie Jerusalẹm. Evba ọ re ọ ghi na wu, a na re ẹre ye idin avbe ọba. Ivbi e Juda kevbe Jerusalẹm hia keghi khiẹ uwu ẹre.

Psalm 142:3

Ọ gha kẹ ekherhe ne I wa fọrhiọn, rẹn rẹn emwi ne I gha ru. Avbe eghian mwẹ khuẹn ifi khẹ mwẹ, vbe odẹ ne I la khian.

Psalm 35:14

Zẹ vbene I gha na erhunmwu ne osẹ mwẹ ra ọtẹn mwẹ. Akhiẹ keghi so mwẹ uke, vbe ọmwa ne ọ khiẹ iye ẹe.

Psalm 37:16

Ive emwi kherhe ne ọmwata mwẹ, sẹ ẹfe emwa dan hia fẹẹrẹ,

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Itan 18:19

Ru iyobọ ne ọtuẹn nokpia, te ọ ra gha degue ruẹ zẹ vbe ekẹn ne ọ wegbe ne a gbe lẹga okpẹvbo; u gha guẹe ru ẹmwẹ, te ọ ra khui urho ẹre ke uẹ ye ore.

Itan 6:14

Iran ghi gha mwamwa emwi dan vbe ekhọe iran ne ọ mu rhu, iran ghi gbe ẹti lele ehe hia.

Asan-Ibo 7:9

Ohu gha mu ẹẹn, ziengbe ẹre, uyinmwẹ ọzuọ nọ ne a gha rhie emwi ne ọ sọnnọ ọmwa ye ekhọe.

Ezikiẹl 35:5

“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.