Gẹnẹsis 27:4 - Edo Bible (E Baibol Ẹdo) Version 1996

⁴ U ghi le evbare ne ọ rhiẹnrhiẹn, egbe ne ọ yẹ mwẹ ne u mu gun mwẹ. I ghi rriọe, ẹkpo nii I ghi rhie afiangbe mwẹ ne okiekie nuẹn vbe I te wu.”

Gẹnẹsis 27:4 ပူးပေါင်းရင်းမြစ်များ

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Gẹnẹsis 24:60

Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 27:14

Ẹre ọ na gele gha khian ya munọ ẹn viọ giẹe. Ọ keghi le evbare ne ọ yẹ erha ẹe.

Gẹnẹsis 27:17

Ọ keghi mu evbare ne ọ rhiẹnrhiẹn nii kevbe ebrẹd ne ọ le naẹn.

Gẹnẹsis 27:19

E Jekọb keghi wanniẹn wẹẹ, “Mẹ Isọ ne ovbuẹ nọdiọn nọ. I ru vbene u tama mwẹ nẹ. Lahọ kpaegbe tota ne u re vbe emiowo ne I mu guẹ ne u miẹn ehe na fiangbe mwẹ.”

Gẹnẹsis 27:23

Ọ ma sẹtin rẹn Jekọb.

Gẹnẹsis 27:25

Aizik keghi kha wẹẹ, “Rhie gun mwẹ vbe emiowo ruẹ ne I rriọe ne I rhie afiangbe nuẹn.” E Jekọb keghi rhie ẹre giẹẹ, ọ kevbe mu ayọn giẹe da.

Gẹnẹsis 27:27

Ugbẹn vbe ọ ghi sikẹ ọre ne ọ do ya unu soso ẹre unu, Aizik keghi winhin ukpọn rẹn, ọ keghi fiangbẹe wẹẹ, “Uwinhinmwẹ ovbi mwẹ na yevbe ọghe otọe ne Nọyaẹnmwa fiangbe!

Gẹnẹsis 27:31

Rẹn kevbe le evbare ne ọ rhiẹnrhiẹn mu gie erha ẹe. Ọ keghi kha wẹẹ, “Lahọ, evbavba, kpaegbe tota nu u re vbe evbare ne imẹ mu gue, ne u miẹn ehe na fiangbe mwẹ.”

Gẹnẹsis 27:5

Ẹghẹ ne Aizik na gha gu Isọ ne ovbi ẹre guan, e Ribẹka kegha danmwehọ. Isọ ghi kpao gha rrie oha nẹ ne ọ ya gbe aranmwẹ gie erha ẹe.

Gẹnẹsis 27:7

‘Mu emiowo gun mwẹ ne u le evbare mẹ. I ghi rriọe, ne I fiangbuẹ vbe sirra Nọyaẹnmwa vbe I te wu.’

Gẹnẹsis 27:9

Gha rrie uwu oghẹn emwirri ne u ya hannọ ivbi ẹwe nọ tii eva viọ gunmwẹ. I ghi lẹe egbe evbare ne ọ rhiẹnrhiẹn erha a.

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 48:9

E Josẹf wanniẹn wẹẹ, “Ivbi mwẹ nikpia ne Osanobua viọ mẹ vbe Igipt mwana ọre nọ.” E Jekọb keghi kha wẹẹ, “Lahọ viọ iran gunmwẹ ne I miẹn ehe na fiangbe iran.”

Gẹnẹsis 49:28

Enena ọrọre ẹwae iweva ni rre Izrẹl, ena ọ vbe re ẹmwẹ ne erha iran tama iran. Vbe ehe ne ọ na ya ẹmwẹ ne ọrhiẹnrhiẹn gbe ọ khian ẹdẹ hia ne iran.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Iyẹn ne ọ Maan Ọghe Luk 24:51

Vbene ọ wa fiangbe iran ni, ọ kpao sẹ iran rae, a keghi tọn ẹn mu gha rrie odukhunmwu vbe ẹrinmwi.

Hibru 11:20

Iyayi ọre Aizik ya tae ighẹ agbọn gha ma Jekọb kevbe Isọ.

Jọsua 14:13

E Jọsua keghi na erhunmwu ne Kelẹb ne ovbi Jefunẹ, ọ na mu Hibrọn ne ẹẹn ne ogha re ọghọe.

Jọsua 22:6

E Jọsua ghi ya erhunmwu zẹ iran na urrie nẹ, ọ keghi tama iran wẹẹ, “Ke uwa kevbe ẹfe ni bun ọre ọ ghi gba rrie owa na, ẹmila ọrhẹnrhẹn, esiliva, igoru, oze, ematọn kevbe ukpọn ni bun. Wa ghae ne ivbi Izrẹl ne ihua uwa vbe avbe emwi ne uwa miẹn avbe eghian uwa ẹre.” Iran keghi kpao gha rrie. E Mosis mu otọe eso vbe odẹ ahọ ne ẹwae Manasẹ nẹ vbe odẹ ahọ e Jọdan sokpan e Jọsua keghi mu otọ ne obọ nọkpa vbe orrie ọghe Jọdan deba ẹwae nekpa.