Gẹnẹsis 27:35 - Edo Bible (E Baibol Ẹdo) Version 1996

³⁵ Aizik keghi wanniẹn wẹẹ, “Ọtuẹn rre nẹ do rẹrẹ mwẹ, ọ rhie afiangbe ruẹ rrie nẹ.”

Gẹnẹsis 27:35 ပူးပေါင်းရင်းမြစ်များ

Gẹnẹsis 27:33

Aizik keghi suẹn gha guọ, egbe ẹre hia kegha mu rueghe zẹzẹzẹ, ọ keghi nọ wẹẹ, “De ọmwa ne ọ gbe emiowo mu gunmwẹ yi? Te I da rriọe fo vbe uwẹ la owa, I rhie afiangbe ọghe okiekie mwẹ nẹẹn nẹ, ọghọe khian gha nọ ẹdẹdẹmwẹdẹ.”

Gẹnẹsis 29:25

Ẹdẹ ghi gbe nẹ e Jekọb keghi do rẹn wẹ e Lia nọ. Rẹn keghi bu e Leban gha khian, ọ tama rẹn wẹẹ, “Vbua na ru mwẹ vberriọ hẹ yi? E Rekiẹl ọre I ga yi. Vbua na fi mwẹ hẹ.”

II Ọba 10:19

Wa tie avbe akhasẹ e Bal hia rre, kevbe emwa hia ni gho ẹre kevbe avbe ohẹn ọnrẹn hia. A ghẹ gie ẹe kẹ orhiọnkpa. I ra do zọ ese nọkhua ghe Bal, ọmwaikọmwa ne ọ ma rre, a gha gbe ẹe rua.” (Erẹrẹ ọre ọ na wa khin, te Jehu ru ẹe vberriọ rhunmwuda ọ ho ne ọ gbele iran ni gho e Bal hia a.)

Job 13:7

Vbọzẹ ne uwa na ta ohoghe yi? Wa yayi ighẹ ohoghe uwa mwẹ emwi ne ọ gha ru ne Osanobua re ra?

Jerimaia 9:4

Wẹ ne dọmwadẹ ọghọe khẹ yegbe ne ọ mwẹ ẹwaẹn vbe egbe ọsiọre a i ghi miẹn ne ọ sẹtin mu ẹtin yan ọtiọnrẹn rhunmwuda, te etẹn hia ghi guẹ erẹrẹ vba e Jekọb, edọmwadẹ ọghọe ta ọtiọnrẹn ọtakhọ.

Malakai 2:10

Ẹire erha ọkpa ọ re ima hia mwẹ? Ẹire Osanobua ọkpa ọ re ọ yii ima hia? Vbe ọ ghi zẹ khekherriọ ne ima i na mu eyan ne a yan ma egbe sẹ, vbọzẹ ne ima na zan ile ne Osanobua guu avbe erha ima odede taa? Ivbi e Juda ma mu eyan ne iran yaan ma Osanobua sẹ, iran keghi vbe ru emwi ne ọ khọrhiọn vbe Jerusalẹm kevbe vbe ẹvbo nii hia.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.