Gẹnẹsis 27:29 - Edo Bible (E Baibol Ẹdo) Version 1996

²⁹ Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 27:29 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 25:33

Jekọb keghi wanniẹn wẹẹ. “Ka yan ma mwẹ wẹẹ u gha mu emwi ne ọ khẹ kuẹ mẹ.” Isọ keghi vẹn ihẹn ya khiẹn emwi ni khẹ kẹe zẹ vbe ọmọdiọn ne Jekọb.

Gẹnẹsis 27:30

Aizik ghi fiangbẹe nẹ, Jekọb keghi kpao vbe ọwarọkpa zẹẹ, Isọ ne ọtiọnrẹn keghi ke ọbafi rre.

Gẹnẹsis 27:37

Aizik keghi wanniẹn wẹẹ, “I yae khian arowa a nẹ, I vbe ya etiọnrẹn hia khian eguọmwadia ẹnrẹn nẹ, I viọ avbe ọka kevbe ayọn naẹn nẹ. De emwi ne ọ ghi ye kẹe ne I gha ru nuẹn ovbi mwẹ!”

Gẹnẹsis 27:40

Abẹkpẹn ruẹn ọre u ra ya gha dẹgbẹ yi khian u ghi gha re ọguọmwadia ọtuẹn sokpan u ghẹ ghi fieghe uhunmwu u ghi kannọ obọ ẹre hin egbe ruẹ rre.”

Gẹnẹsis 37:10

Ọ keghi vbe ta imina rẹn ma erha ẹe kevbe etiọnrẹn nikpia, erha ẹe na gha guẹe gui wẹ vbe ọ ni khun imina ne u minaẹn? Te uwẹ ro ighẹ iyuẹ kevbe imẹ kevbe etuẹn nikpia wẹ ma gha rre do gha ya uhunmwu rhanmwẹ otọ ne uwẹ?

Gẹnẹsis 37:7

Ma hia kegha rre ugbo, ma na gha gbalọ ọka irhuarhua ikun ikun, ọghomwẹ keghi kpaegbe mudia kpasi, ikun ọghe uwa na tẹn lẹga ẹre, iran ya uhunmwu rhanmwẹ otọ ne ọghomwẹ.”

Gẹnẹsis 9:27

Te Osanobua gha gie Jafẹt gha muan yọ! Uniẹn ọnrẹn ghi vbe gu emwa Siẹn gha rrọọ! Ọviẹn Jafẹt ọre Kenan ra gha khin.”

I Ọba 22:47

Otọe Idọm ma gha mwẹ ọba, edayi ne ọba e Juda zẹ yọ ọ re ọ ghaa khaemwisẹ yan rẹn.

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Krọnikol 5:2

Sokpan, ọ rhe ye vberriọ, ẹwae Juda ọ re ọ do wegbe sẹ, ọ na biẹ enọ khaemwisẹ ne ẹwae ni hia.)

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 60:12

Sokpan avbe ẹvbo ni ma ga uwẹ a gha fuẹn iran an fẹẹrẹ.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Nọmbas 23:8

Vbia ra sẹtin fi ne Osanobua ma fi ẹre unu hẹ ra ne I wẹ ne ọ zẹ ẹbe vbe Osanobua ma kha vberriọ?

Nọmbas 24:18

Ọ gha khọn avbe eghian ni rre Idọm mu otọ, ọ ghi ya otọ iran khian ọghe ọe, vbene Izrẹl gha ye owẹ rri iran ginna otọ.

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Ebe ne Pọl gbẹẹn gie emwa Rom 9:12

“Nọdiọn ọre ọ khian gha ga e nekherhe.” Ọ ta ẹmwẹ na nẹ a ke do biẹlẹ iran, vbe iran ma he ru emwi rhọkpa, ọ maa ra ọ khọọ, ọnii rhie maa wẹ ọmwa ne Osanobua hannọ zẹ, rhunmwuda ighẹ ọ tie ẹre, ọre nọ ighẹ ẹ i re rhunmwuda emwi ne iran ru.

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”