Gẹnẹsis 27:28 - Edo Bible (E Baibol Ẹdo) Version 1996

²⁸ Te Osanobua gha rhie evbu ẹrinmwi nuẹn, ne ọ ya ugbo ruẹ khian ne ọ ma emwiokọ! Te ọ gha rhie ọka kevbe ayọn nibun nuẹn!

Gẹnẹsis 27:28 ပူးပေါင်းရင်းမြစ်များ

Gẹnẹsis 27:37

Aizik keghi wanniẹn wẹẹ, “I yae khian arowa a nẹ, I vbe ya etiọnrẹn hia khian eguọmwadia ẹnrẹn nẹ, I viọ avbe ọka kevbe ayọn naẹn nẹ. De emwi ne ọ ghi ye kẹe ne I gha ru nuẹn ovbi mwẹ!”

Gẹnẹsis 27:39

Aizik na ghi tama rẹn wẹẹ, “Evbu ọghe ẹrinmwi irrọọ nuẹn, otọ ne ọ maa emwiokọ i rrọ nuẹn.

Gẹnẹsis 45:18

Wẹ ne iran viọ avbe erha iran kevbe ẹgbẹe iran ne iran bu mwẹ gha dee. I gha rhie otọ ne ọ maa sẹẹ vbe Igipt ne iran, iran sẹtin vbe gha rri emwiokọ ne ọ maa sẹẹ vbe otọe nii.

Gẹnẹsis 49:20

Otọe Asia gha mọ ọmọ esiesi ladian, ọ gha mọ emwiokọ ne ọ ke ye evbare ọba.

Gẹnẹsis 49:25

Osanobua erhaa ọrọre ọmwa ne ọ yuẹ obọ, Osanobua Noghodua, ọrọre ọmwa ne ọ fiangbuẹ. Afiangbe ọghe amẹ ke odukhunmwu rre kevbe ọghe avbe odin amẹ kevbe uwu otọ gha dee, afiangbe ọghe ẹmila nibun kevbe emọ.

II Samuẹl 1:21

“Amẹ i ghẹ dọlegbe rhọ, ra ne evbu tuo vbe oke Gilboa, te otọ ẹre hia gha de ihoi rua. Rhunmwuda, evba asa iran ni din ne a fara ye. Ọtọn ma rhu asa ọghe Sọl.

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

I Ọba 5:11

E Solomọn keghi viọ igarawa ẹlubọ arriaisẹn iyisẹn (100,000) kevbe e galọn ofigbọn oliv ne a ma gua arriaisẹn igbe yan iyisẹn (110,000) gie Hiram ukpukpo ne ọ ya gha koko emwa rẹn.

II Krọnikol 2:10

Zẹ vbe evbare ne emwa ruẹn gha re, I gha viọ etọni ọka arriaisẹn iyisẹn (100,000) guẹ kevbe etọni ọka irhuarhua arriaisẹn iyisẹn (100,000), egalọn ayọn igbe yan iyisẹn (110) kevbe egalọn ofigbọn igbe yan iyisẹn (1,100).”

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Itan 3:20

Ẹwaẹn rẹn ọ re ọ ru ẹe ne avbe ẹzẹ gha lẹ, kevbe ne okuku vbe rhọ amẹ ye otọe.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Joẹl 2:19

Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Nọmbas 13:20

Wa ghe ẹre a deghẹ otọe nii ma emwiokọ, kevbe wẹ deghẹ erhan bun vbe otọe nii. Wa ghẹ mwẹ wa ma viọ rre vbe ọmọ erhan ni rre ẹvbo nii.” (Ẹghẹ ne ọmọ erhan ayọn nọ baa ya suẹn gha vbo nọ.)

Nọmbas 18:12

“I ra vbe viọ emwi okọ nọ maa vbe uwu ne ivbi Izrẹl ka rhọ ne iran viọ gun mwẹ ukpukpo ne uẹn, ofigbọn oliv, ayọn kevbe ọka.

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.

Diuteronomi 33:13

Ọ keghi kha vbe ẹwae Josẹf wẹẹ: “Te Nọyaẹnmwa gha rhie afiangbe amẹ ne otọe iran, kevbe amẹ ne ọ ke ototọ vbe uwu otọ rre.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.

Diuteronomi 7:13

Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

Hibru 11:20

Iyayi ọre Aizik ya tae ighẹ agbọn gha ma Jekọb kevbe Isọ.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.