Gẹnẹsis 27:27 - Edo Bible (E Baibol Ẹdo) Version 1996

²⁷ Ugbẹn vbe ọ ghi sikẹ ọre ne ọ do ya unu soso ẹre unu, Aizik keghi winhin ukpọn rẹn, ọ keghi fiangbẹe wẹẹ, “Uwinhinmwẹ ovbi mwẹ na yevbe ọghe otọe ne Nọyaẹnmwa fiangbe!

Gẹnẹsis 27:27 ပူးပေါင်းရင်းမြစ်များ

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Gẹnẹsis 27:15

Ẹre ọ na viọ ukpọn ni maa sẹ vbe ọghe Isọ, ne ọ viọ ye owa, ọ na viọ iran yọ e Jekọb.

Gẹnẹsis 27:26

Erha ẹe keghi tama rẹn wẹẹ, “Sikẹ mwẹ ovbi mwẹ ne u do ya unu soso mwẹ unu.”

Gẹnẹsis 27:39

Aizik na ghi tama rẹn wẹẹ, “Evbu ọghe ẹrinmwi irrọọ nuẹn, otọ ne ọ maa emwiokọ i rrọ nuẹn.

Gẹnẹsis 48:10

Te aro Izrẹl ghi ghe vbirrivbirri rhunmwuda ne ọ na khian ọmaẹn, ẹ i ghi bẹghe ẹse. E Josẹf keghi viọ emọ ni bu ẹre rre, rẹn keghi gba iran ginna egbe, ọ na ye unu soso iran unu.

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Psalm 65:10

U gie amẹ kakabọ rhọ ye ugbo ne a gua nẹ u kevbe gbe amẹ ya guagua ẹe ne ọ rọkhọ. U rhọ amẹ ye otọe nii ne ọ gha khuẹrhẹ u na vbe ru ẹe ne ivbi erhan zọ vbọ.

Ihuan Ne Ọ Sọọ Ihuan Hia 2:13

Avbe ohọ hia vbo nẹ. Ẹhoho hia ghi winhin vbe azara ni vboro. Larre nian enida, enida mwẹ, lele mwẹ.

Diuteronomi 33:13

Ọ keghi kha vbe ẹwae Josẹf wẹẹ: “Te Nọyaẹnmwa gha rhie afiangbe amẹ ne otọe iran, kevbe amẹ ne ọ ke ototọ vbe uwu otọ rre.

Hibru 11:20

Iyayi ọre Aizik ya tae ighẹ agbọn gha ma Jekọb kevbe Isọ.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.