Gẹnẹsis 27:19 - Edo Bible (E Baibol Ẹdo) Version 1996

¹⁹ E Jekọb keghi wanniẹn wẹẹ, “Mẹ Isọ ne ovbuẹ nọdiọn nọ. I ru vbene u tama mwẹ nẹ. Lahọ kpaegbe tota ne u re vbe emiowo ne I mu guẹ ne u miẹn ehe na fiangbe mwẹ.”

Gẹnẹsis 27:19 ပူးပေါင်းရင်းမြစ်များ

Gẹnẹsis 25:25

Ọmọ okpia ne a ka gha biẹ keghi baa, ikpakpa egbe ẹre keghi yevbe ẹwu eto, a keghi he ẹre Isọ.

Gẹnẹsis 25:28

Aizik keghi ho ẹmwẹ Isọ sẹ, rhunmwuda emiowo ne ọ gbe giẹe gha re rhiẹnrhiẹn ọẹn, sokpan Ribẹka keghi ho ẹmwẹ Jekọb sẹ.

Gẹnẹsis 27:18

E Jekọb keghi bu erha ẹe, ọ wẹẹ, “Evbavba!” Rẹn wanniẹn wẹẹ, “Ghe mwẹ. De ne ọ khin vbe uwu ivbi mwẹ yi?”

Gẹnẹsis 27:21

Aizik keghi tama Jekọb wẹẹ, “Lahọ sikẹ mwẹ ne I ye obọ kan ruẹn. Wẹ ọ gele re Isọ?”

Gẹnẹsis 27:31

Rẹn kevbe le evbare ne ọ rhiẹnrhiẹn mu gie erha ẹe. Ọ keghi kha wẹẹ, “Lahọ, evbavba, kpaegbe tota nu u re vbe evbare ne imẹ mu gue, ne u miẹn ehe na fiangbe mwẹ.”

Gẹnẹsis 27:35

Aizik keghi wanniẹn wẹẹ, “Ọtuẹn rre nẹ do rẹrẹ mwẹ, ọ rhie afiangbe ruẹ rrie nẹ.”

Gẹnẹsis 27:4

U ghi le evbare ne ọ rhiẹnrhiẹn, egbe ne ọ yẹ mwẹ ne u mu gun mwẹ. I ghi rriọe, ẹkpo nii I ghi rhie afiangbe mwẹ ne okiekie nuẹn vbe I te wu.”

Gẹnẹsis 27:45

Ẹghẹ nii, I gha gie ọmwa bu ruẹ gha dee ne ọ do rhie ruẹ gha die owa. Vbọzẹ ne ivbi mwẹ eva gha na wu mwẹ ẹdẹ ọkpa?”

I Ọba 13:18

Ẹre Akhasẹ ne ediọnmwa ne ọ rre Bẹtẹl nii na tama rẹn wẹẹ, “Akhasẹ vbe ruẹ ọ re imẹ vbe khin, e Nọyaẹnmwa ọ re ọ vbe gie odibo ẹre gun mwẹ wẹ ne I rhie ruẹ gha rrie owa, ne I ya mu ọghọ ye uẹ egbe.” Sokpan ohoghe ọ re akhasẹ ne ediọnmwa nii gha ta.

I Ọba 14:2

E Jeroboam keghi tama ọvbokhan rẹn wẹẹ, “Fi egbe werriẹ mu egbe vbene ọmwa rhọkpa i ra na rẹn ruẹn ne u gha rrie ọghe Ahija ne akhasẹ vbe Silo, rẹn ọ re ọmwa ne ọ ta ẹe ighẹ I gha rriọba vbe Izrẹl.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.