Gẹnẹsis 26:9 - Edo Bible (E Baibol Ẹdo) Version 1996

⁹ Abimẹlẹk keghi gie ne a tie Aizik, ọ tama rẹn wẹẹ, “Ghe emwi, ọvbokhan ruẹn wa nọ, vbua gu kha yi wẹẹ ọtuẹn nokhuo nọ?” Rẹn keghi wanniẹn wẹẹ, “Te I te gha ro wẹẹ iran gha gbe mwẹ uan a deghẹ I khare wẹẹ ọvbokhan mwẹ nọ.”

Gẹnẹsis 26:9 ပူးပေါင်းရင်းမြစ်များ

Gẹnẹsis 12:18

Ẹghẹ nii, ọba keghi gie ne a tie Ebram, ọ nọ rẹn wẹẹ, “U miẹn emwi ne u si yọ mwẹ egbe, vbọzẹ ne u ma na tama mwẹ wẹ amwọn nọ?

Gẹnẹsis 26:10

Abimẹlẹk keghi kha wẹẹ, “Vbe ọna khun emwi ne u ru ima re na? A deghẹ a miẹn emwa mwẹ eso ni gu ọvbokhan ru emwi, uwẹ ọ re ọ gha do ye ima rri abe.”

Gẹnẹsis 26:8

Aizik ghi kpẹe nẹ vbe evba kherhe, Abimẹlẹk ne ọba Filistin keghi ke ewindo ghe otọe, ọ keghi bẹghe vbe Aizik vbe Ribẹka gba ku vbe ọdọ vbe amwẹ.

Iyẹn ne ọ Maan Ọghe Jọn 14:9

Jesu wanniẹn wẹẹ, “Ne ima ke gba gha khian ke nẹkpo i mwẹẹ arria gha dee, wẹ ma he ye rẹn mwẹ Filip? Ọmwaikọmwa ne ọ miẹn mwẹ nẹ, ọ vbe miẹn Evbavba nẹ. Vbe uwẹ a ghi na kha hẹ wẹẹ, ‘Ma ima Evbavba.’

Iwinna 12:11

Ẹghẹ nii Pita na do rẹn emwi ne ọ sunu vbe egbe irẹn, ọ na wẹẹ, “Banbanna nian, I rẹnrẹn ighẹ ẹmwata gele nọ, Nọyaẹnmwa gie odibo ẹre ne ọ do miẹn mwẹ fan vbe obọ Hẹrọd kevbe hin obọ emwi ne avbe emwa e Ju te rhie aro yi ne iran ru.”