Gẹnẹsis 26:22 - Edo Bible (E Baibol Ẹdo) Version 1996

²² Ọ keghi si kpao vbe evba, ọ na ya fian uhae ọvbehe. Ẹzọ ma ghi la ọna, ọre ọna gha tie ẹre “Ayan egbe ọmwa.” Ọ wẹẹ, “Banbanna na nian, e Nọyaẹnmwa rhie a yan egbe ọmwa mẹ nẹ vbe otọe na, I gha vbe maa vbe emwa.”

Gẹnẹsis 26:22 ပူးပေါင်းရင်းမြစ်များ

Gẹnẹsis 17:6

I gha viọ uniẹn nibun nuẹn, eso vbe uwe iran ghi gha re ọba, u gha mwẹ uniẹn nibun sẹrriọ wẹ iran gha khian okpẹvbo nibun.

Gẹnẹsis 26:21

Eguọmwadia Aizik kevbe fian uhae ọvbehe, ẹzọ kevbe larọ, ọ kevbe gha tie ọnii “Ikhuiwu.”

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Psalm 118:5

Vbe uwu ibaro mwẹ, I kpe tie Nọyaẹnmwa ọ họn urhu mwẹ, ọ kevbe fan mwẹ fua.

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Psalm 18:19

Ọ yọ mwẹ obọ la hin uwu ẹbe rre ọ miẹn mwẹ fan rhunmwuda, ẹko ẹre rhiẹnrhiẹn ghe mwẹ.

Psalm 4:1

Họn urhu mwẹ vbe i a gha na erhunmwu Osanobua ne ọ gbinna mẹ. Ẹghẹ ne I na gha rre uwu ukpokpo, wẹ ọ re ọ yọmwẹ obọ. Tohan mwẹ nian, ne u vbe họn erhunmwu mwẹ.

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Aizaia 54:2

Gie owa ukpọn ne u ye kpọlọ sẹ ayọ, fian te avbe irri ẹre, vbe kan avbe ukeke ẹre ẹse.

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.