Gẹnẹsis 26:18 - Edo Bible (E Baibol Ẹdo) Version 1996

¹⁸ Ọ keghi dọlegbe yalọ avbe uhae ne iran fiaẹn vbe ẹghẹ Ebraham ne erha ẹe, ne avbe Filistin vbe ran vbe ọ wu nẹ. Aizik keghi dọlegbe gha tie iran eni ne erha ẹe vbe gha tie iran re.

Gẹnẹsis 26:18 ပူးပေါင်းရင်းမြစ်များ

Gẹnẹsis 21:25

Ebraham keghi ya gui ẹmwẹ uhae ne ọ wẹẹ ibiẹka Abimẹlẹk gbe miẹn ẹnrẹn re.

Gẹnẹsis 21:30

Ebraham keghi wanniẹn wẹẹ, “U ghi miẹn mwẹ ivbi ohuan ihinrọn na. U gha ru vberriọ, te u ghi yobọ yọ wẹẹ mẹ ọre ọ fian uhae na.”

Gẹnẹsis 21:31

A na ghi gha tie evba nii, Biẹsiẹba, rhunmwuda evba iran eveva na gba yan eyan.

Gẹnẹsis 26:17

Rhunmwuda ọnii Aizik keghi kpao, ọna ya bu agọ ye Gera, ọ na di evba ya vbe ẹghẹ kherhe.

Gẹnẹsis 26:19

Avbe eguọmwadia Aizik keghi fian uhae vbe uwe iya, iran keghi miẹn ẹzẹ.

II Krọnikol 26:10

Ọ keghi vbe bọlọ owa ọkhẹ uhae amẹ ni bun rhunmwuda, rẹn wa mwẹ oghẹn ẹmila ni bun vbe ototọ oke kevbe ehe ne ọ rriẹe ni rre odẹ orrie. Rhunmwuda ne irẹn na wa ho ẹmwẹ ugbo ne a gbe, ọ keghi wẹ ne emwa ni bun gha mu ugbo azara vbe otọe ni rre uhunmwu oke kevbe ne iran gha ya avbe otọe ni maa emwiokọ ni rrọ gbe ugbo.

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.