Gẹnẹsis 25:6 - Edo Bible (E Baibol Ẹdo) Version 1996

⁶ Sokpan vbe ọ te wu, ọ keghi ye emwi ne avbe ivbi ẹre nikpia nekpa ne avbe amwẹ ọnrẹn nekpa biẹlẹ nẹẹn. Ọ keghi gie iran gha rrie odẹ ahọ, lahin ehe ne Aizik ne ovbi ẹre ye rre.

Gẹnẹsis 25:6 ပူးပေါင်းရင်းမြစ်များ

Gẹnẹsis 16:3

Ẹre Serai ghi na rhie Hega ne ọviẹn ọnrẹn ne ovbi Igipt ne Ebram rhie rọnmwẹ (Emwi na sunu iyeke vbe Ebram gbe ukpo igbe nẹ, vbe Kenan).

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 25:1

Ebraham keghi vbe rhie okhuo ọvbehe ne a tie ẹre Ketura.

Gẹnẹsis 29:1

Jekọb keghi deyan okhian, ọ na mu uhunmwu da otọ avbe iran ni rre odẹ ahọ.

Gẹnẹsis 30:4

Ọ keghi rhunmwuda ọnii rhie Bilha ne ọviẹn ọnrẹn ne ọdọ ẹre, ọ keghi guẹe ru emwi ọdọ vbe amwẹ.

Gẹnẹsis 30:9

Ugbẹn vbe Lia ghi miẹn wẹ ọ fiọnmọ, ọ keghi rhie Zilpa ne ọviẹn ọnrẹn ne Jekọb rhie rọnmwẹ.

Gẹnẹsis 32:22

Vbe asọn ọkpa nii, e Jekọb keghi kpaegbe, ọ viọ amwẹ ọnrẹn eveva, avbe egbakhian eva ne ọ mwẹ, kevbe ivbiẹre owọrọ, ọ keghi fian ẹzẹ Jabọk gberra vbe ehe ne a na wa ẹre.

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

II Krọnikol 11:21

Inu ikhuo ne Rehoboam gha mwẹ hia kegha re evairrọvbugie ọ keghi vbe zẹlẹ ọse iyeha, ọ keghi biẹlẹ emọ ikpia evairrọvbe ọgban kevbe emọ ikhuo iyeha. Ikhuo ne ọ viọ ye owa kevbe avbe ọse ne ọ zẹlẹ ye ore, Maaka ọre ọ gha re amwebọ ne ọ rrọọ.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Matiu 5:45

Ne uwa miẹn ehe na gha re ivbi erha uwa ne ọ rre ẹrinmwi. Rhunmwuda, ọ gie ovẹn ọnrẹn gha yunmwu ne emwa esi kevbe emwa dan, ọ ghi vbe gie amẹ gha rhọ ne iran ni ru emwi esi kevbe ni ru emwi dan.

Iwinna 14:17

Sokpan ẹghẹ hia ọre ọ ya gha rhie maa egbe ọmwa ne irẹn khin vbekpa emwi esi ne ọ ru. Ọ rhọ amẹ ke odukhunmwu ye otọ ne uwa, deba emwiokọ vbe ẹghẹ ne ọ ke yi, ọ rhie evbare ne uwa ne ọ gha ye ẹko sẹ uwa ọyẹnmwẹ.”

Giọgis 19:4

Erha ẹe keghi tua unu mu ẹẹn wẹ ne ọ tota, ọ re irẹn na tota la ikpẹdẹ enẹ. Ọdọ vbe amwẹ na ọ re ọ gba gha rri evbare, iran ọ vbe gba gha lovbiẹ.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!