Gẹnẹsis 25:34 - Edo Bible (E Baibol Ẹdo) Version 1996

³⁴ Ẹre Jekọb ghi na rhie ebrẹd eso kevbe ikpowo nẹẹn. Rẹn keghi re, ọ na da, ọ na guakpao, ọ na gha rrie. Vbene ẹmwẹ ne ọ khẹ kẹe zẹ vbe ọmọdiọn wa sẹ vbe aro Isọ, ọre ọnii khin.

Gẹnẹsis 25:34 ပူးပေါင်းရင်းမြစ်များ

Gẹnẹsis 25:29

Ẹdẹ ọkpa, e Jekọb ghi le ọpẹkhẹrhẹ, Isọ keghi ke ehe ne ọna ya ru ọbafi rre. Ohanmwẹ kegha gbẹe

Gẹnẹsis 25:33

Jekọb keghi wanniẹn wẹẹ. “Ka yan ma mwẹ wẹẹ u gha mu emwi ne ọ khẹ kuẹ mẹ.” Isọ keghi vẹn ihẹn ya khiẹn emwi ni khẹ kẹe zẹ vbe ọmọdiọn ne Jekọb.

Gẹnẹsis 26:1

Ukhunmwu kevbe dọlegbe fi vbe otọ nii, ẹ i vbe re ne ọ fi vbe ẹghẹ Ebraham. Aizik na bu Abimẹlẹk, ọba avbe Filistin vbe Gera.

Gẹnẹsis 27:32

Aizik keghi nọ rẹn wẹẹ, “Gha nọ yi?” Ọ keghi wanniẹn wẹẹ, “Isọ ne ovbuẹ nọdiọn nọ.”

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Zẹkaraia 11:13

E Nọyaẹnmwa keghi tama mwẹ wẹẹ, “Viọ igho nii ye aza Ọgua Osa.” Mẹ keghi rhunmwuda ọnii viọ agiẹghẹ igho ẹrọnmwọ ọgban nii, igho ne iran ye ekhọe mwamwa wẹ erriọ ọre I sẹẹ, I keghi viọ iran ye aza Ọgua Osa.

Matiu 22:5

sokpan a ma miẹn ne ọ zẹ ye ọre hiehie, edọmwadẹ ọghọe na wa gha ru ọghọe khian, eso la odẹ ugbo, eso la odẹ ẹki.

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

I Kọrinti 15:32

A deghẹ, vbene ọ ye nii, ighẹ mẹ gu avbe “aranmwẹ oha,” gbinna vbe Ẹfisọs ba ẹmwẹ emwi agbọn na kẹkan, de ere ne ọ rrọọ mẹ? A deghẹ a i gele huẹn eniwulo nẹ kpao vbe idin, vbene emwa tae khian nii, “Wa gie a gha re ne a gha da, rhunmwuda, akhuẹ ma ra wulo.”