Gẹnẹsis 25:31 - Edo Bible (E Baibol Ẹdo) Version 1996

³¹ Sokpan Jekọb keghi wanniẹn wẹẹ, “I gha fian nuẹn a deghẹ u mu ukpo ọmọdiọn ruẹn mẹ.”

Gẹnẹsis 25:31 ပူးပေါင်းရင်းမြစ်များ

Gẹnẹsis 25:30

ọ keghi khama Jekọb wẹẹ, “Ohanmwẹ gbe mwẹ, fian mẹ kherhe vbe ọpẹkhẹrhẹ ne yẹn ẹn na.” (Ọnii ọ siẹe ne a na tiẹre Idọm)

Gẹnẹsis 25:32

Isọ keghi wanniẹn wẹẹ, “Ọ maa! Te I ra wu na, de emwi ne ọdiọn ra khian mẹ?”

Gẹnẹsis 27:36

Isọ keghi kha wẹẹ, “Ukpogieva ne ọ he mu mwẹ ru ọna khin. A i dọn ighẹ e Jekọb a gele tie ẹre ọ miẹn mwẹ ukpo ọghe ọmọdiọn, banbanna nian, ọ vbe do rhie afiangbe mwẹ gha rrie. U ma ghi sẹ afiangbe rae khẹ mwẹ ra?”

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

I Krọnikol 5:1

Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

I Krọnikol 5:2

Sokpan, ọ rhe ye vberriọ, ẹwae Juda ọ re ọ do wegbe sẹ, ọ na biẹ enọ khaemwisẹ ne ẹwae ni hia.)

Diuteronomi 21:16

Okpia nii gha ra gha ukhu, wẹ ne ọ ghẹ gbe ghe obọ ọkpa ne ovbi amwebọ ẹre ne ọ ya viọ emwi ni khẹ ke ọmọ ọdiọn nii ne ẹẹn.

Diuteronomi 21:17

“Ukhukhu eva ọghe emwi ẹnrẹn ọ re ọ gha viọ ne ọmọ ọdiọn nii, a gha rhe miẹn wẹ ẹ i re ovbi amwebọ ẹre nọ. Ọ kere ne ọmwa rẹn ovbi ẹre ne ọdiọn ye ọmọ ọdiọn, ne ọ vbe gha emwi ne ọ khẹ ke ẹe ne ẹẹn zẹ vbene uhi khare.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.