Gẹnẹsis 25:26 - Edo Bible (E Baibol Ẹdo) Version 1996

²⁶ A ghi biẹ ọtiọnrẹn nokpia, ọ ke gba ighinghin-owẹ Isọ mwẹ, a na ghi gha tie eni ẹre Jekọb. Ukpo iyeha ọre Aizik ye vbe a biẹlẹ iran.

Gẹnẹsis 25:26 ပူးပေါင်းရင်းမြစ်များ

Gẹnẹsis 21:5

Ukpo iyisẹn ọre ọ gha ye vbe a biẹ Aizik.

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 27:36

Isọ keghi kha wẹẹ, “Ukpogieva ne ọ he mu mwẹ ru ọna khin. A i dọn ighẹ e Jekọb a gele tie ẹre ọ miẹn mwẹ ukpo ọghe ọmọdiọn, banbanna nian, ọ vbe do rhie afiangbe mwẹ gha rrie. U ma ghi sẹ afiangbe rae khẹ mwẹ ra?”

Gẹnẹsis 35:28

Aizik keghi rre ukpo ugie irrọ vbe uri,

I Krọnikol 1:34

Aizik ne ovbi Ebraham kegha mwẹ emọ ikpia eva, Isọ kevbe Jekọb.

Hozia 12:3

E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Hozia 12:4

Ọ gu odibosa khọn, obọ ẹre keghi ke ukhunmwu. Ọ keghi viẹ, ọ na nọ afiangbe. Osanobua keghi bu erha ima odede ighe Jekọb rre vbe Bẹtẹl, ọ na do gu ẹe guan.

Malakai 1:2

E Nọyaẹnmwa tama emwa rẹn wẹẹ, “Te I wa ho ẹmwẹ ruẹn ẹdẹdẹmwẹdẹ.” Sokpan, iran wanniẹn wẹẹ, “Vbe u a ghi ya rhiema hẹ ighe u gele ho ẹmwẹ mwa?” E Nọyaẹnmwa wanniẹn wẹẹ, “Etẹn ọkpa ọ re Isọ kevbe Jekọb gha khin, sokpan mẹ keghi hoo ẹmwẹ e Jekọb kevbe ivbi uniẹn ọnrẹn.

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Diuteronomi 23:8

Emọ ne iran biẹlẹe, a sẹtin ke orre ne ogieha ka iran ba emwa e Nọyaẹnmwa.

Jọsua 24:4

I kevbe viọ Jekọb kevbe Isọ ne Aizik. I keghi mu Idọm ne ẹvbo oke ne Isọ ne ọ gha re ọghọe sokpan e Jekọb kevbe ivbi ẹre kegha rrie Igipt.