Gẹnẹsis 24:8 - Edo Bible (E Baibol Ẹdo) Version 1996

⁸ Sokpan deghẹ nene okhuo ghi wẹẹ rẹn i leluẹ dee, ihẹn ne u vẹn mẹ na ghi lahin ruẹn uhunmwu rre, sokpan, vbene ọ rhirhi a gha ye hẹ, ghẹ dọlegbe rhie ovbi mwẹ gha rrie odọ.”

Gẹnẹsis 24:8 ပူးပေါင်းရင်းမြစ်များ

Gẹnẹsis 24:41

U gha ru ọna, u gha miẹn uhunmwu vbe obọ ihẹn mwẹ. U gha vbe gha rrie ẹbu emwa mwẹ ighẹ iran ma rhan obọ miẹn ruẹn, u gha vbe miẹn uhunmwu vbe obọ ihẹn mwẹ.’”

Nọmbas 30:5

Erha ẹe gha wẹ ne ọ ghẹ ha emwi ne ọ ve nii vbe ọ họẹn, a i ghi vbe wẹ sokpan ọ ru ẹe. E Nọyaẹnmwa gha ya bọ ẹe, rhunmwuda erha ẹe ma kue yọ wẹ ne ọ ru ẹe.

Nọmbas 30:8

Sokpan adeghẹ ọdọ ẹre wẹ rẹn i kue yọ vbe ẹghẹ vbe ọ họn ẹẹn, wẹ ne ọ ghẹ ru ẹe, a i ghi vbe wẹ ne ọ ru ẹe. E Nọyaẹnmwa gha ya bọe.

Iyẹn ne ọ Maan Ọghe Jọn 8:32

Wa gha rẹn ẹmwata ne ọ rrọọ, ẹmwata ni gha ya uwa khian enoyan egbe ẹre.”

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Jọsua 9:20

Te a gha gie iran gha rre agbọn ugbẹn vbe a miẹn wẹ ma vẹn ihẹn ne iran, a deghẹ ma ma ru ẹe vberriọ, Osanobua gha rria ima ikhi.