Gẹnẹsis 24:65 - Edo Bible (E Baibol Ẹdo) Version 1996

⁶⁵ Ọ na nọ ọguọmwadia nii wẹẹ, “Gha ọna khin ne ore ne ọ bu ima de na?” Ọguọmwadia nii keghi wanniẹn wẹẹ, “Arowa mwẹ nọ.” Rẹn keghi rhie ugbaleto, ọna rhie gue aro ẹre.

Gẹnẹsis 24:65 ပူးပေါင်းရင်းမြစ်များ

Gẹnẹsis 20:16

Ọ keghi tama Sera wẹẹ, “I ra rhie agiẹghẹ esiliva arriaigbe ne ọtuẹn nokpia ne a ya rhie ma iran hia ne uwa gba khian wẹẹ, u ma ru awua. Emwa hia gha rẹn wẹẹ, u ma ba emwi ku ru.”

Gẹnẹsis 24:64

Ribẹka keghi bẹghe Aizik, ọ na ghi tuorre vbe ekẹtẹkẹtẹ.

Gẹnẹsis 24:66

Ọguọmwadia nii keghi talọ emwi ne irẹn ru hia ma Aizik.

Gẹnẹsis 38:14

Ẹre ọ na fi ukpọn ẹgbẹe ne ọ te yọ werriẹ, ọ keghi ye ukhiọnfọ gue aro, ọ na tota ye onurho Enaim ne ẹvbo ne a la gberra ye Timna. Rẹn rẹnrẹn wẹ Siẹla ne ovbi Juda ne okiekie wan nẹ ẹghẹ na, sokpan a ma ye rhie irẹn gie ẹe rhie rọnmwẹ.

Aizaia 3:23

ẹwu iran ne a la bẹghe iran egbe, ukhiọnfọ eto ovbiohuẹ, ukpọn ne a rhie kinnọ urhu kevbe ukpọn ugbaleto ne wọọrọ.

Aizaia 47:2

Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

I Kọrinti 11:10

Rhunmwuda iran ne a vbe odibosa khekherriọ, ọ kere ne okhuo gua gue uhunmwu ẹnrẹn, ne ọ miẹn ehe na rhie maa wẹ ototọ asẹ ọdọ ẹre ọre irẹn ye.

I Timoti 2:9

I vbe ho ne ikhuo gha ru emwi ye oreghe, kevbe ne iran gha waan vbe ekpa ukpọn ne iran rhuan, kevbe ne iran gha mu egbe ẹse, ẹ i re eto ọghe wa do ghe ne a mẹ, ra igoru ne a ya te egbe, ra ikpẹrọmwọ ra ukpọn aghanghan.