Gẹnẹsis 24:60 - Edo Bible (E Baibol Ẹdo) Version 1996

⁶⁰ Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 24:60 ပူးပေါင်းရင်းမြစ်များ

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 24:61

Ribẹka kẹe kevbe ne ọ gbearoghe ẹre keghi mu egbe, iran na hin ekẹtẹkẹtẹ ne iran lele okpia nii gha khian, ọguọmwadia nii keghi rhie ẹre, ọ na kpao.

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 32:1

Ugbẹn vbe Jekọb ghi khian vbe odẹ, avbe odibo Osanobua keghi do vba ẹre.

Gẹnẹsis 48:20

Rhunmwuda ọnii, ọ keghi fiangbe iran ẹdẹ nẹdẹrriọ ọ wẹẹ, “Ivbi Izrẹl gha ya eni uwa gha na erhunmwu, iran gha kha wẹẹ, ‘Te Osanobua gha gie uwa gha yevbe Ifreim kevbe Manasẹ.’ ” Erriọ ọre ọ na rhie Ifreim kodaro ne Manasẹ.

Gẹnẹsis 9:1

Osanobua keghi khaẹmwẹ ya fiangbe Noa kevbe avbe ivbi ẹre vbenian wẹẹ, “Te u gha biẹlẹ emọ nibun vbene a gha na miẹn wẹ uniẹn ruẹn ghi gba otọe agbọn hia.

Jerimaia 29:6

Wa viọ ikhuo ne uwa biẹlẹ. Wa vbe gie avbe ivbi uwa viọ ikhuo, ne iran vbe miẹn ehe na biẹlẹ emọ. Te ọ kere ne uwa gha bun yọ ne uwa ghẹ yẹkẹ.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Levitikọs 25:46

Wa sẹtin vbe ya iran ru ukhu ne a sẹ rae ye otọ ne ivbi uwa, ne iran gha ga iran vbe ẹdẹ agbọn iran hia. Sokpan, wa ghẹ ya obọ ọkhọ mu ivbi Izrẹl ne ivbi ẹvbo rua.

Diuteronomi 21:19

evbibiẹ ọe ghi rhie ẹre gha rrie ehe ne avbe ekaolotu ẹvbo ye, iran ghi ya gui ẹzọ ẹre.