Gẹnẹsis 24:53 - Edo Bible (E Baibol Ẹdo) Version 1996

⁵³ Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

Gẹnẹsis 24:53 ပူးပေါင်းရင်းမြစ်များ

Gẹnẹsis 24:10

Ọguọmwadia nii ne ọ gbearoghe emwi Ebraham hia keghi viọ igbe vbe uwe ekẹtẹkẹtẹ arowa ẹre, ọ na gha rrie ẹvbo ne Nahọ ye vbe Mẹsopotamia.

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

II Krọnikol 21:3

Erha iran keghi viọ ọrhẹnrhẹn igoru, esiliva kevbe emwi ighobioye ni bun ọvbehe ne iran. Ọ keghi mu ọkpọkpa vbe avbe ẹvbo ne a gba odin gaa vbe Juda, ne iran gha gbe aro ghe sokpan, rhunmwuda ighẹ Jehoram ọrọre ọdiọn, e Jehosiafat keghi ya ẹe ru ne ọ gha rriọba lele irẹn.

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Ẹksọdọs 11:2

Tama ivbi Izrẹl ne dọmwadẹ ọghọe nọ emwi vbe obọ ogieva ẹre, emwi itegbe ọghe igoru kevbe esiliva.”

Ẹksọdọs 12:35

Ivbi Izrẹl keghi ru vbene Mosis tama iran, iran keghi mọmọ ivbi Igipt ikpẹ ẹrọnmwọ kevbe esiliva kevbe igoru ke ukpọn.

Ẹksọdọs 3:22

Dọmwadẹ avbe ikhuo ghi nọ okhuo ne ọ rre owa ne ọ ye ra ẹdogbo ẹre ukpọn, emwi itegbe, esiliva kevbe igoru, ivbi Izrẹl ghi viọ avbe emwi na yọ avbe ivbi iran nikpia kevbe nikhuo vberriọ wa gha ya viọ avbe emwa Igipt emwi gha rrie.”

Ihuan Ne Ọ Sọọ Ihuan Hia 1:10

Eto ruẹ mose vbe irho ruẹ ọ tuo sẹ ẹyaẹn ruẹn vbe emwi urhu.

Ihuan Ne Ọ Sọọ Ihuan Hia 4:13

evba nii, ivbi erhan na wan an. Ehia wan rẹn zẹvbe ogba emwiokọ ighee, iran keghi mọ ọmọ ne ọ maa sẹẹ. Avbe hena kevbe nad,

Aizaia 39:2

E Hẹzekaia keghi gbe ọbokhian ne iran, ọ na ma iran ẹfe ne irẹn mwẹ hia, avbe esiliva kevbe igoru ẹre, avbe ori ni winhin, kevbe avbe emwi ne ivbiyokuo ya khọn okuo. Emwiọkpa i rre avbe aza ẹre ra eheikehe vbe otọ arriọba ẹre ne ọ ma viọ ma iran.