Gẹnẹsis 24:48 - Edo Bible (E Baibol Ẹdo) Version 1996

⁴⁸ I keghi diguẹ ya uhunmwu rhanmwẹ otọ ne Nọyaẹnmwa, I keghi rho Nọyaẹnmwa, Osanobua Ebraham ne arowa mwẹ, ne ọ ma mwẹ odẹ ẹsẹse vbe nian. Rẹn keghi rhie mwẹ bu ọtẹn arowa mwẹ nokpia, ehe ne I na miẹn ovbi ẹre nokhuo rhie ne ovbi arowa mwẹ.

Gẹnẹsis 24:48 ပူးပေါင်းရင်းမြစ်များ

Gẹnẹsis 22:23

E Milka ne erha Ribẹka, ọ re ọ biẹlẹ emọ ikpia erẹnrẹn na ne Nahọ ne ọtẹn Ebraham.

Gẹnẹsis 24:52

Ọguọmwadia Ebraham ghi họn vbene iran kha hẹẹ, ọ keghi vbokho rriotọ ye uhunmwu rhanmwẹ otọ ne Nọyaẹnmwa.

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Psalm 107:7

Ọ keghi viọ iran la odẹ ọwara gha rriẹ ẹvbo ne ọ gha gie iran yin.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Ẹksọdọs 18:20

U ghi vbe ma iran avbe iyi kevbe uhi Osanobua, u ghi vbe rhan otọ re vbene iran gha ya gha yin kevbe vbene iran gha ya ru emwi hẹ ma iran.

Itan 4:11

I ma ruẹn ẹwaẹn nẹ, deba vbene ọ kere ne a gha yin hẹ.

Aizaia 48:17

Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.