Gẹnẹsis 24:31 - Edo Bible (E Baibol Ẹdo) Version 1996

³¹ Rẹn keghi tama rẹn wẹẹ, “Lele mwẹ gha die owa, ọmwa ne Nọyaẹnmwa fiangbe ọre u khin, vbua na mudia ye ore hẹ yi vbe I dọlọ ihe eso ye otọ khẹ ruẹ nẹ vbe uwe owa, otọ vbe rrọ ne avbe kẹtẹkẹtẹ ruẹ.”

Gẹnẹsis 24:31 ပူးပေါင်းရင်းမြစ်များ

Gẹnẹsis 18:3

“Wa Dọmọ ọ, ugamwẹ uwa ọre I rre ba, lahọ wa ghẹ rhiegberra owa mwẹ vbe na i na yakọ hiehiere. Ọguọmwadia ruẹ ọre I khin.

Gẹnẹsis 19:2

Ọ na kha wẹẹ, “Adazẹ, te I rre do mu ọghọ ye uwa egbe, lahọ wa gha die owa mwẹ, wa sẹtin kpe owẹ ne uwa gbe asọn na mwa. Wa sẹtin rhiọ vbe owiẹ ne uwa gha rrie ehe ne uwa rrie.” Sokpan iran wanniẹn wẹẹ, “Ẹn o, adesẹ ore vbe ihuada ẹvbo na ma ra vbiẹ.”

Gẹnẹsis 19:3

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

Gẹnẹsis 24:30

Rẹn keghi miẹn oroka ihue kevbe emwiobọ nii vbe obọ ọtiọnrẹn ne okhuo, ọ keghi vbe họn vbe ọ ta ẹmwẹ ne okpia nii tama rẹn, ọ na gha rrie ehe ne ọguọmwadia Ebraham na mudia ke avbe kẹtẹkẹtẹ ọre vbe ọkpẹn uhae.

Gẹnẹsis 26:29

wẹ ra ho ima ẹbe zẹ vbene ima ma ho uwẹ ẹbe. Ma tohan ruẹn, ma guẹ hẹko gha ru ọwuẹ khian, eban na nian, aro dae wẹẹ e Nọyaẹnmwa fiangbuẹ.”

Gẹnẹsis 29:13

Ugbẹn vbe ọ ghi họn ẹmwẹ Jekọb ne ọtiọnrẹn, ọ rhulẹ ya vba ẹre, ọ gbae ginna egbe, ọ keghi ya unu soso ẹre unu, ọ na rhie ẹre gha die owa. Jekọb na na iyẹn emwi ni sunu hia ma e Leban.

Psalm 115:15

Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

Itan 17:8

Emwa eso wa ro ighe te igho iyeke winna zẹ vbe ẹbo edunna; iran yayi wẹ ai miẹn emwi ne ẹ i gie ẹe ru.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Giọgis 17:2

Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

Ebe Rut 3:10

Rẹn keghi wanniẹn wẹẹ, “Te Nọyaẹnmwa gha fiangbe uẹ, ovbi mwẹ. Uwa ya emwi ne u ru na rhie maa wẹ ọmwa ne ọ guobọ mwa u khin, ọna vbe sẹ ne u ru ne iye ọdafọn ọn rhunmwuda, u gha sẹtin gualọ igbama rọnmwẹ, ọ re ne ọ fe nọ ra ne ọ ma fe, sokpan u ma ru vberriọ.