Gẹnẹsis 24:28 - Edo Bible (E Baibol Ẹdo) Version 1996

²⁸ Ọmọ okhuo nii keghi rhulẹ gha rrie owa iyẹe, ọ keghi ya na iyẹn na hia ma rẹn.

Gẹnẹsis 24:28 ပူးပေါင်းရင်းမြစ်များ

Gẹnẹsis 24:29

Leban ne ọtẹn Ribẹka keghi rhulẹ ladian gha rrie uhae ne nene okpia ye.

Gẹnẹsis 24:48

I keghi diguẹ ya uhunmwu rhanmwẹ otọ ne Nọyaẹnmwa, I keghi rho Nọyaẹnmwa, Osanobua Ebraham ne arowa mwẹ, ne ọ ma mwẹ odẹ ẹsẹse vbe nian. Rẹn keghi rhie mwẹ bu ọtẹn arowa mwẹ nokpia, ehe ne I na miẹn ovbi ẹre nokhuo rhie ne ovbi arowa mwẹ.

Gẹnẹsis 24:55

Sokpan iye e Ribẹka kevbe ọtiọnrẹn nokpia keghi kha wẹẹ, “Gie ọmọ okhuo na gu ima gbe uzọla ọkpa ra ikpẹdẹ igbe nẹ, vbe iyeke ọnii, ọ sẹtin gha khian.”

Gẹnẹsis 24:67

Aizik keghi rhie Ribẹka la uwe owa ukpọn, ọ na rhie ẹre rọnmwẹ. Aizik ho ẹmwẹ Ribẹka, ọnii ọre ọ ghi fu ẹre ẹko rre vbe iye ẹe ghi wu nẹ.

Gẹnẹsis 29:12

Ọ tama rẹn wẹẹ, “Ovbi e Ribẹka ọre I khin, ọtẹn erhaa.” Rẹn keghi rhulẹ ya tama erha ẹe.

Gẹnẹsis 31:33

E Leban keghi la uwu owa ukpọn ọghe Jekọb, ọ keghi gualọe, ọ keghi la owa ukpọn ọghe Lia kevbe owa ukpọn ọghe avbe eviẹn nikhuo ne eva, sokpan ọ ma miẹn avbe ẹbọ ẹre, ọ keghi la uwu owa ukpọn e Rekiẹl.