Gẹnẹsis 24:15 - Edo Bible (E Baibol Ẹdo) Version 1996

¹⁵ Vbe ọ ghi te na erhunmwu fo, Ribẹka keghi rre kẹe kevbe esago ẹre vbe izabọ, ovbi e Bẹtuẹl nokhuo nọ ne ovbi ọtẹn e Ebraham nokpia ighẹ Nahọ kevbe amwẹ ọnrẹn Milka.

Gẹnẹsis 24:15 ပူးပေါင်းရင်းမြစ်များ

Gẹnẹsis 11:27

Ena ọrọre uniẹn Tẹra, ne ọ biẹlẹ Ebram, Nahọ kevbe Haran. Haran ọre ọ biẹ Lọt,

Gẹnẹsis 11:29

Ebram keghi rhie Serai, Nahọ na rhie Milka ne ovbi e Haran nokhuo ne ọ gha re erha Iska.

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 24:14

I gha khama ọmọ okhuo ọkpa wẹẹ, ‘Ya uru ruẹ sa amẹ mẹ wọn.’ Adeghẹ ọ khare wẹẹ, ‘Miẹn ne u wọn, I gha vbe sa ne avbe ekẹtẹkẹtẹ ruẹ.’ Gie ẹe gha re okhuo ne u zẹe ne Aizik ne ọguọmwadia ruẹ. Ọ gha sunu vbe nian, I ghi rẹn wẹ u mu eyan, ne u yan ma arowa mwẹ sẹ.”

Gẹnẹsis 24:24

Rẹn wanniẹn tama rẹn wẹẹ, “Ovbi Bẹtuẹl ne ovbi Nahọ kevbe Milka, ọre I khin;

Gẹnẹsis 24:45

Vbe I ghi te na erhunmwu uwe ekhọe mwẹ fo, e Ribẹka keghi rre, kẹe kevbe esago amẹ ọnrẹn vbe izabọ, ọ na gha rrie uhae ya sa amẹ. Mẹ keghi tama rẹn wẹẹ, ‘Lahọ sa amẹ mẹ wọn.’

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 29:5

Ọ keghi nọ iran wẹẹ, “Wa rẹn Leban ne ovbi Nahọ ra?” Iran wanniẹn wẹẹ, “Ẹn, ma rẹn ọnrẹn.”

Gẹnẹsis 29:9

Ehe ne Jekọb na ye gu iran guan ni, e Rekiẹl keghi rre kẹe kevbe oghẹn ohuan erha ẹe.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 65:2

Rhunmwuda ne u na họn erhunmwu, emwa hia gha ke ehe hia bu ruẹ rre, rhunmwuda orukhọ iran.

Itan 31:27

Te ọ wa winna vbe ẹghẹ hia, ọ ghi vbe gha koko emwa rẹn.

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Aizaia 65:24

Iran te na erhunmwu fo, erhunmwu iran mẹ họn nẹ.

Ebe Rut 2:17

Ẹre Rut na rhọ ititi ọka vbe ugbo ọ te do sẹ ẹghẹ ota. Ọ keghi khuọn inu ne ọ rhọ re, ọ te ra sẹ omwa uwan ekesọgban.

Ebe Rut 2:2

Ẹdẹ ikẹtin e Rut keghi tama Naomi wẹẹ, “Gunmwẹ gha rrie ugbo ne I ya gha rhọ vbe erhan ọka ne iran ni rhọ emwiokọ rhọ sẹrae. I gha rhọ ẹre lele ikpia eso nẹ, ọ gha kue yọ ne I gha rhọ ẹre.” E Naomi keghi wanniẹn wẹẹ, “Gha khian ovbi mwẹ.”