Gẹnẹsis 24:14 - Edo Bible (E Baibol Ẹdo) Version 1996

¹⁴ I gha khama ọmọ okhuo ọkpa wẹẹ, ‘Ya uru ruẹ sa amẹ mẹ wọn.’ Adeghẹ ọ khare wẹẹ, ‘Miẹn ne u wọn, I gha vbe sa ne avbe ekẹtẹkẹtẹ ruẹ.’ Gie ẹe gha re okhuo ne u zẹe ne Aizik ne ọguọmwadia ruẹ. Ọ gha sunu vbe nian, I ghi rẹn wẹ u mu eyan, ne u yan ma arowa mwẹ sẹ.”

Gẹnẹsis 24:14 ပူးပေါင်းရင်းမြစ်များ

Gẹnẹsis 15:8

Sokpan Ebram wanniẹn wẹẹ, “Nọyaẹnmwẹ ne Udazi, vbia gha ya rẹn hẹ wẹ ọghomwẹ nọ?”

Gẹnẹsis 24:13

I mudia ye ọkpẹn uhae na ẹghẹ ne emọ ikhuo ni rre ẹvbo na gha na do sa amẹ.

Gẹnẹsis 24:15

Vbe ọ ghi te na erhunmwu fo, Ribẹka keghi rre kẹe kevbe esago ẹre vbe izabọ, ovbi e Bẹtuẹl nokhuo nọ ne ovbi ọtẹn e Ebraham nokpia ighẹ Nahọ kevbe amwẹ ọnrẹn Milka.

Gẹnẹsis 24:18

Rẹn wanniẹn, “Miẹn ne u wọn enọwanrẹn,” ọ na sie esago nii vbe izabọ ẹre, ọ na dae yi nẹẹn wọn. Ọ ghi wọn nẹ, ọ tama rẹn wẹẹ,

Gẹnẹsis 24:19

“I gha vbe sa gie avbe ekẹtẹkẹtẹ ruẹ ne iran wọn vbene iran ho.”

Gẹnẹsis 24:43

Ọkpẹn uhae ọre I ye na, ọvbokhan okhuo gha rre do sa amẹ, I gha tama rẹn wẹẹ, “Lahọ sa amẹ mẹ wọn vbe esago ruẹ.”

Gẹnẹsis 24:44

A deghẹ ọ khare wẹẹ, “Miẹn ne u wọn, I gha vbe sa ne ekẹtẹkẹtẹ ruẹ,” gie ọnii gha re ọmwa ne u zẹe ne ọ gha re amwẹ ovbi arowa mwẹ.’

II Samuẹl 20:9

E Joab keghi tama Amasa wẹẹ, “Vbọ ye hẹ ọse mwẹ.” Ọ na ya obọ erha ọmwa mu ẹre ẹtu ne ọ miẹn ehe na mu ẹre unu hiẹnhiẹn.

II Samuẹl 5:24

Ugha họn igiawẹ vbe uhunmwu avbe erhan nii, u ghi mu egbe ne u ya suẹn igbinna rhunmwuda, ọnii rhie maa wẹ, mẹ ke odaro ne uẹn nẹ, I ya khọn ivbiyokuo e Filistin hia.”

Itan 19:14

Ọmwa sẹtin miẹn ukhu owa kevbe igho re vbe obọ erha ẹe sokpan, e Nọyaẹnmwa okpa ọ re ọ rhie okhuo esi ne ọmwa.

Aizaia 7:11

“Nọ e Nọyaẹnmwa ne Osanobua ruẹ wẹ ne ọ rhie ama nuẹn. Ọ sẹtin gha re ke ehe ne dinmwidinmwi ne avbe orinmwi ye gha dee, ra ke odukhunmwu reghe gha dee.”

Ebe ne Pọl gbẹẹn gie emwa Rom 1:10

I na erhunmwu ghe Osanobua wẹ, vbe iho ne ọ maa ọghọe, ne ọ mwẹ uhunmwu mẹ ẹghẹ na ighẹ otuẹ ne I ra do tuẹ uwa re.

Giọgis 18:5

Iran keghi tama rẹn wẹẹ, “Lahọ, nọ Osanobua a deghẹ okhian ne ima rrie na gha de ẹse.”

Giọgis 6:17

E Gidiọn keghi wanniẹn wẹẹ, “A deghẹ ẹko ruẹ rhiẹnrhiẹn ghe mwẹ, ye emwi zẹ ama ya rhie ma wẹ wẹ ọ re ọ gele gunmwẹ guan.

Giọgis 6:37

Banbanna nian, I ra mu eto ohuan eso ye otọ vbe ehe ne ima na wiẹn ọka. A deghẹ a ghi miẹn vbe ẹdẹ a gbe ighẹ evbu rre eto ohuan nii, ighẹ otọe ni lẹga ẹre kae, I ghi rẹn wẹẹ te u gele ho ne I miẹn Izrẹl fan.”

I Samuẹl 20:7

Ọ gha kha wẹẹ, ‘Ọ maa.’ I gha miẹn uhunmwu, sokpan a deghẹ ohu mu ẹẹn, a ghi rẹn wẹ te ọ mu egbe ne ọ gha ya ru mwẹ emwi.