Gẹnẹsis 24:1 - Edo Bible (E Baibol Ẹdo) Version 1996

¹ Te Ebraham ghi wa khian ọmaẹn ẹsẹse, Osanobua keghi wa vbe fiangbẹe vbe emwi ne ọ ru hia.

Gẹnẹsis 24:1 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 18:11

Ebraham vbe Sera wa khian ọmaẹn ẹsẹse. Sera i ghi vbe mu obọ mwẹ.

Gẹnẹsis 21:5

Ukpo iyisẹn ọre ọ gha ye vbe a biẹ Aizik.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Gẹnẹsis 49:25

Osanobua erhaa ọrọre ọmwa ne ọ yuẹ obọ, Osanobua Noghodua, ọrọre ọmwa ne ọ fiangbuẹ. Afiangbe ọghe amẹ ke odukhunmwu rre kevbe ọghe avbe odin amẹ kevbe uwu otọ gha dee, afiangbe ọghe ẹmila nibun kevbe emọ.

I Ọba 1:1

Te Devid ne ọba ghi khian ọmaẹn ẹsẹse, egbe ẹre i ghi sẹtin mwẹ ọghae, a gha rhe wẹ te a ya ye ukpọn ni mwẹ imi hin ẹnrẹn egbe.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Luk 1:7

Iran i mwẹ emọ rhunmwuda Elizabẹt ma biẹ, ke irẹn kevbe Zẹkaraia vbe khian ọmaẹn nẹ ẹsẹse.

Galatia 3:9

Ebraham yayi, a keghi fiangbe ẹe, rhunmwuda ọnii, emwa hia ni yayi, a vbe fiangbe iran vbe ne a fiangbe irẹn.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.