Gẹnẹsis 23:20 - Edo Bible (E Baibol Ẹdo) Version 1996

²⁰ Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Gẹnẹsis 23:20 ပူးပေါင်းရင်းမြစ်များ

Gẹnẹsis 10:15

Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

Gẹnẹsis 23:19

Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan.

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Gẹnẹsis 25:10

Ọ keghi re otọ ne Ebraham gu Hiti dẹ. Evba ọre a re Ebraham kevbe Sera ne amwẹ ọnrẹn yi.

Gẹnẹsis 25:9

Ivbi ẹre ighẹ Aizik kevbe Ismẹl keghi re ẹre ye uvun okuta Makpẹla vbe otọe ne ọ te ka gha re ọghe Efrọn ne ovbi e Zoha ne Hiti vbe odẹ ahọ Mamrẹ.

Gẹnẹsis 49:29

Ẹre Jekọb na yi iyi ne iran wẹẹ, “Te I ghi ra ya deba avbe emwa mwẹ ni wu nẹ nian, wa ghi ya re mwẹ ba avbe erha mwẹ vbe uvun okuta ne ọ rre ako oha Efrọn ne ọmwa Hiti.

Gẹnẹsis 50:13

Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

Gẹnẹsis 50:5

“Ẹghẹ ne erha mwẹ ra na wu, ọ na ya mwẹ vẹn ihẹn wẹ I gha ya re irẹn ye idin ne ọ tobọ re fian vbe otọ Kenan, Lahọ gunmwẹ ya re erhamwẹ ne I vbe dọlegbe gha dee.”

II Samuẹl 24:24

Sokpan, ọba keghi wanniẹn wẹẹ, “Ẹn o, te I gha ha osa yọ. Mẹ i ra ye emwi ne ọ ma rhie emwi rhọkpa hin mwẹ obọ rre zọ ese ghe Nọyaẹnmwa.” Ọ keghi ya igho esiliva ekigbesiyeha dẹ isi okọ nii.

II Ọba 21:18

E Manasẹ keghi wu, a na re ẹre ye ogba ne ọ rre ẹguae ọghe Uza, ẹre Amọn ne ovbi ẹre na rriọba lele ẹe.