Gẹnẹsis 23:19 - Edo Bible (E Baibol Ẹdo) Version 1996

¹⁹ Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan.

Gẹnẹsis 23:19 ပူးပေါင်းရင်းမြစ်များ

Gẹnẹsis 23:18

Emwa Hiti hia ni rre iko nii wa yobọ yọ wẹ ọghe Ebraham nọ.

Gẹnẹsis 23:20

Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 50:13

Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

Gẹnẹsis 50:25

Ẹre Josẹf na ya emwa irẹn vẹn ihẹn, ọ wẹẹ, “Wa yan ma mwẹ wẹ, ẹghẹ ne Osanobua gha na viọ uwa, gha rrie otọe nii wa gha mu ikun mwẹ ba egbe kpao.”

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.