Gẹnẹsis 23:17 - Edo Bible (E Baibol Ẹdo) Version 1996

¹⁷ Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ.

Gẹnẹsis 23:17 ပူးပေါင်းရင်းမြစ်များ

Gẹnẹsis 23:20

Rhunmwuda ọnii ọ re otọe nii kẹe kevbe uvun okuta ne ọ rrọọ ne ọ te ka re ọghe emwa Hiti usin, na ghi do khian ọghe Ebraham zẹvbe itẹ.

Gẹnẹsis 25:10

Ọ keghi re otọ ne Ebraham gu Hiti dẹ. Evba ọre a re Ebraham kevbe Sera ne amwẹ ọnrẹn yi.

Gẹnẹsis 25:9

Ivbi ẹre ighẹ Aizik kevbe Ismẹl keghi re ẹre ye uvun okuta Makpẹla vbe otọe ne ọ te ka gha re ọghe Efrọn ne ovbi e Zoha ne Hiti vbe odẹ ahọ Mamrẹ.

Gẹnẹsis 47:30

I ho ne a mu mwẹ yotọ vbe ehe ne a vbe munọ avbe erha mwẹ yi. Mu mwẹ hin Igipt rre ne u vbe ya mu mwẹ ye idin iran.” E Josẹf keghi wanniẹn wẹẹ, “I gha ru vbene u khare.”

Gẹnẹsis 50:13

Iran keghi muẹn gha rrie Kenan, irran na ya rre ẹre ye uvun okuta vbe ako oha vbe Makpẹla vbe odẹ ọlarre ovẹn Mamrẹ, ne Ebraham gu Efrọn ne ọmwa Hiti dẹ ne a gha re orinmwi yọ.

Job 38:20

U gha sẹtin ma iran ehe ne iran gha sẹ ra? Ra ne u khulo iran werriegbe?

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Iwinna 7:16

A keghi viọ ikun iran gha rrie Siẹkẹm, a keghi ya re iran ye idin ne Ebraham gu emwa Hamọ dẹ ha osa.

Ẹfisọs 5:15

Rhunmwuda ọnii, gha gbe aro ke otọ ẹsẹse vbene u ru emwi hẹ. Ghẹ gha yin uyinmwẹ enọ ma rẹn ne a ye, sokpan gha ru emwi umẹwaẹn.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.