Gẹnẹsis 23:13 - Edo Bible (E Baibol Ẹdo) Version 1996

¹³ Ọ keghi tama Efrọn vbene emwa hia gha na họn ẹn wẹẹ, “Vbene ọ ghi na rre uwẹ ekhọe, lahọ danmwehọ. I gha dẹ otọe nii hia. Miẹn mwẹ igho ẹre ne I miẹn ehe na re ọvbokhan mwẹ yọ.”

Gẹnẹsis 23:13 ပူးပေါင်းရင်းမြစ်များ

Gẹnẹsis 23:12

Sokpan Ebraham keghi gbe uhunmwu kotọ vbe odaro iran.

Gẹnẹsis 23:14

Efrọn keghi wanniẹn wẹẹ,

Gẹnẹsis 33:19

Igho esiliva iyisẹn ọre ọ ya gu ivbi uniẹn Hamọ ne erha Siẹkẹm dẹ asẹ otọ nii.

II Samuẹl 24:24

Sokpan, ọba keghi wanniẹn wẹẹ, “Ẹn o, te I gha ha osa yọ. Mẹ i ra ye emwi ne ọ ma rhie emwi rhọkpa hin mwẹ obọ rre zọ ese ghe Nọyaẹnmwa.” Ọ keghi ya igho esiliva ekigbesiyeha dẹ isi okọ nii.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Ebe ne Pọl gbẹẹn gie emwa Rom 13:8

Ghẹ rri ọmwa rhọkpa osa, osa ọkpa ne u gha re ọrọre ne uwa gha ho ẹmwẹ egbe, ọmwaikọmwa ne ọ mwẹ ahoẹmwọmwa ghe ihua ẹre, mu nene Uhi sẹ nẹ.

Kọlose 4:5

Wa gha ye ẹwaẹn ru emwi vbe uyinmwẹ ne uwa yin ghe iran ne ima yayi, ne uwa gha lo ẹkpotọ ne uwa a rhirhi miẹn ẹse.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”