Gẹnẹsis 22:8 - Edo Bible (E Baibol Ẹdo) Version 1996

⁸ Ebraham wanniẹn wẹẹ, “Osanobua tobọ ẹre gha kpehe, ovbi mwẹ.” Iran eveva na gba gha khian.

Gẹnẹsis 22:8 ပူးပေါင်းရင်းမြစ်များ

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Gẹnẹsis 22:7

Ọ ma ghi kpẹe, Aizik keghi guan wẹẹ, “Ebaba ọ!” Rẹn wanniẹn wẹẹ, “Ghe mwẹ ovbi mwẹ.” Aizik na kha wẹẹ, “I miẹn nian wẹẹ erhan kevbe erhẹn guẹ, sokpan, oteghe ohuan ne a ra ya zọ ese vboo?”

Gẹnẹsis 22:9

Ugbẹn vbe iran ghi sẹ ehe ne Osanobua tama rẹn, Ebraham keghi gba aka, ọ na mwamwa erhan yọ, ọ keghi gba ovbi ẹre, ọ na muẹn yan aka nii vbe uhunmwu avbe erhan nii.

II Ọba 2:6

Ẹre Elaija na tama Elaisia wẹẹ, “Mudia vbe emwa na, e Nọyaẹnmwa wẹ ne I gha rrie Ẹzẹ Jọdan.” Sokpan, Elaisia keghi wanniẹn wẹẹ, “I ya ekhọe ne I ya yin uyinmwẹ ẹmwata ghe e Nọyaẹnmwa ne ọ rrọọ kevbe uwẹ vẹn ihẹn wẹ mẹ i ra sẹ uẹ rae.” Ẹre iran na gha khian.

II Krọnikol 25:9

Amezaia keghi nọ akhasẹ ni wẹẹ, “Sokpan, esiliva ọrhẹnrhẹn ne I ya ha osa ne iran ghi vbọ?” Akhasẹ ni keghi wanniẹn wẹẹ, “E Nọyaẹnmwa gha sẹtin viọ ni bun sẹ ọnii ne uẹn.”

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 1:36

Ugbẹn vbe ọ ghi bẹghe Jesu vbe ọ gberra khian, ọ wẹẹ, “Ghe Oteghe Ohuan Osanobua!”

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 5:12

Iran keghi ya urhu le ọ la so ihuan wẹẹ: “Oteghe Ohuan ne a te gbe ua sẹe, Ne ọ gha miẹn asẹ ẹfe, ẹwaẹn kevbe ẹtin. Uyi, ọghọ kevbe urhomwẹ!”

Arhie Maan 5:6

I keghi bẹghe Oteghe Ohuan ọkpa, ọ mudia ye adesẹneva ọghe ẹkete, emwi ne a yi ni ma he wu enẹ nii, kevbe avbe ediọn, keghi lẹga ẹre. Oteghe Ohuan nii keghi ye vbe ne a miẹn wẹ a gbe ẹe ua nẹ. Ọ kegha mwẹ igho ihinrọn kevbe aro ihinrọn, ena kegha re orhiọn ihinrọn ọghe Osanobua, ne a gie nẹ, gha rrie otọ agbọn hia.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.